ആലപ്പുഴ : ജില്ലയിൽ ബിജെപി നേതാവ് രജ്ഞിത്ത് ശ്രീനിവാസന്റെ കൊലപാതകത്തില് 11 പേര് കസ്റ്റഡിയില്. അക്രമികള് ആംബുലന്സിലാണ് എത്തിയതെന്നാണ് സൂചന. എസ്ഡിപിഐയുടെ നേതൃത്വത്തിലുള്ള ആംബുലന്സ് അന്വേഷണ സംഘം പരിശോധിച്ചുവരികയാണ്.
താമരക്കുളം പഞ്ചായത്ത് കമ്മിറ്റിയുടെ എസ്ഡിപിഐയുടെ നിയന്ത്രണത്തിലുള്ള ആംബുലന്സാണ് പൊലീസ് പിടികൂടിയത്. ഇന്ന് രാവിലെ മുതല് നഗരപരിധിയില് ഈ ആംബുലന്സ് കറങ്ങുന്നുണ്ടായിരുന്നു. സംശയത്തെ തുടര്ന്നാണ് ആംബുലന്സ് കസ്റ്റഡിയില് എടുത്തത്.
അതേസമയം ഇരട്ട കൊലപാതകങ്ങളുടെ പശ്ചാത്തലത്തിൽ ആലപ്പുഴ ജില്ലയില് ഇന്നും നാളെയും നിരോധനാജ്ഞ പ്രഖ്യാപിച്ചു. ജില്ലാ കലക്ടര്റാണ് നിരോധനാജ്ഞ പ്രഖ്യാപിച്ചിരിക്കുന്നത്. ഇന്നലെ രാത്രിയാണ് ആലപ്പുഴ ജില്ലയിലെ മണ്ണഞ്ചേരിയില് എസ്ഡിപിഐ സംസ്ഥാന സെക്രട്ടറി കെ.എസ് ഷാനെ വെട്ടി കൊന്നത്. ഷാന് സഞ്ചരിച്ച ബൈക്ക് പിന്നില്നിന്ന് ഇടിച്ചുവീഴ്ത്തിയ ശേഷം അഞ്ചു പേരടങ്ങിയ സംഘം ആക്രമിക്കുകയായിരുന്നു. ഗുരുതരമായ പരിക്കേറ്റ ഷാനെ കൊച്ചിയിലെ സ്വകാര്യ ആശുപത്രിയില് എത്തിച്ച് അടിയന്തര ശസ്ത്രക്രിയക്ക് വിധേയനാക്കിയെങ്കിലും ജീവന് രക്ഷിക്കാന് സാധിച്ചില്ല.
ആലപ്പുഴ ജനറൽ ആശുപത്രിയിലാണ് രജ്ഞിത്ത് ശ്രീനിവാസന്റെ മൃതദേഹം സൂക്ഷിച്ചിരിക്കുന്നത്. പൊലീസ് സ്ഥലത്തെത്തി അന്വേഷണം ആരംഭിച്ചു. എസ്ഡിപിഐ നേതാവിന്റെ കൊലപാതകവുമായി സംഭവത്തിന് പങ്കുണ്ടോയെന്ന് പരിശോധിക്കുമെന്ന് പൊലീസ് വ്യക്തമാക്കി.
Discussion about this post