ഡൽഹി: രാജ്യത്തെ പ്രായപൂർത്തിയായവരിൽ 75 ശതമാനവും കൊവിഡ് വാക്സിനേഷൻ പൂർത്തീകരിച്ചതായി പ്രധാനമന്ത്രി നരേന്ദ്ര മോദി. രോഗപ്രതിരോധ ചരിത്രത്തിൽ ഇത് പുതുചരിത്രമാണെന്ന് അദ്ദേഹം അഭിപ്രായപ്പെട്ടു. അവിസ്മരണീയമായ ഈ നേട്ടത്തിന് എല്ലാവരെയും അഭിനന്ദിക്കുകയാണ്. വാക്സിനേഷൻ യജ്ഞം വിജയകരമാക്കാൻ പ്രയത്നിക്കുന്ന എല്ലാവരെയും ഓർത്ത് അഭിമാനിക്കുകയാണെന്നും അദ്ദേഹം ട്വീറ്റ് ചെയ്തു.
75% of all adults are fully vaccinated.
Congratulations to our fellow citizens for this momentous feat.
Proud of all those who are making our vaccination drive a success. https://t.co/OeCJddtAL8
— Narendra Modi (@narendramodi) January 30, 2022
രാജ്യത്തെ പ്രായപൂർത്തിയായ 75 ശതമാനം പേരും കൊവിഡ് വാക്സിനേഷൻ പൂർത്തിയാക്കിയെന്ന് കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ സ്ഥിരീകരിച്ചിരുന്നു. ഇതിന് പിന്നാലെയാണ് അഭിനന്ദനവുമായി പ്രധാനമന്ത്രി നേരിട്ട് എത്തിയത്.
ഇതുവരെ സംസ്ഥാനങ്ങൾക്കും കേന്ദ്ര ഭരണ പ്രദേശങ്ങൾക്കുമായി 164.36 കോടി ഡോസ് വാക്സിനുകൾ എത്തിച്ചു നൽകിയതായി കേന്ദ്ര ആരോഗ്യ മന്ത്രാലയം വ്യക്തമാക്കി. 2021 ജനുവരി 16നായിരുന്നു രാജ്യത്ത് കൊവിഡ് വാക്സിനേഷൻ ആരംഭിച്ചത്.
Discussion about this post