ഡൽഹി: 2022-23 വർഷത്തെ കേന്ദ്ര ബജറ്റ് അവതരണത്തിനായി ധനകാര്യ മന്ത്രി നിർമ്മല സീതാരാമൻ പാർലമെന്റിലെത്തി. 11.00 മണിക്കാണ് ബജറ്റ് അവതരണം ആരംഭിക്കുക. ബജറ്റ് അവതരണത്തിന് മുന്നോടിയായി ധനമന്ത്രി രാഷ്ട്രപതി രാമ്നാഥ് കോവിന്ദിനെ സന്ദർശിച്ചിരുന്നു.
ധനകാര്യ സഹമന്ത്രിമാരായ പങ്കജ് ചൗധരി, ഭഗവത് കരാദ്, ധനകാര്യ വകുപ്പിലെ ഉന്നത ഉദ്യോഗസ്ഥർ തുടങ്ങിയവർ മന്ത്രിക്കൊപ്പം ഉണ്ട്. കൊവിഡ് വ്യാപനത്തിന്റെ പശ്ചാത്തലത്തിൽ കടലാസ് രഹിത ബജറ്റാണ് ധനമന്ത്രി ഇക്കുറി അവതരിപ്പിക്കുക. ബജറ്റ് രേഖകൾ ടാബ്ലെറ്റിലാക്കി ദേശീയ മുദ്ര ആലേഖനം ചെയ്ത ചുവന്ന പൊതിയിൽ പൊതിഞ്ഞാണ് ധനമന്ത്രി പാർലമെന്റിൽ എത്തിയിരിക്കുന്നത്.
11.00 മണിക്ക് സ്പീക്കറെ അഭിസംബോധന ചെയ്തു കൊണ്ടാകും ബജറ്റ് അവതരണം ആരംഭിക്കുക. സാധാരണ ഗതിയിൽ 90 മുതൽ 120 മിനിറ്റ് വരെ ബജറ്റിന് ദൈർഘ്യം ഉണ്ടാകും.
Discussion about this post