എയർ ഇന്ത്യയുടെ ചരിത്രത്തിലെ സുപ്രധാന രഹസ്യം വെളിപ്പെടുത്തി ടാറ്റ ഗ്രൂപ്പ്.എയർ ഇന്ത്യയെ കമ്പനി ഔദ്യോഗികമായി തിരികെ ഏറ്റെടുത്ത് ദിവസങ്ങൾക്കുള്ളിലാണ് ടാറ്റ ഗ്രൂപ്പ് ഈ രഹസ്യം വെളിപ്പെടുത്തുന്നത്. ഒരു അഭിപ്രായ വോട്ടെടുപ്പിലൂടെ കമ്പനിയിലെ തൊഴിലാളികൾ തന്നെയാണ് ‘എയർ ഇന്ത്യ‘ എന്ന പേര് തെരഞ്ഞെടുത്തത് എന്ന് കമ്പനി തന്നെ ബുള്ളറ്റിനിലൂടെ വെളിപ്പെടുത്തി.
(1/2):Back in 1946, when Tata Air Lines expanded from a division of Tata Sons into a company, we also had to name it. The choice for India’s first airline company came down to Indian Airlines, Pan-Indian Airlines, Trans-Indian Airlines & Air-India. #AirIndiaOnBoard #WingsOfChange pic.twitter.com/BKpmwyAMim
— Tata Group (@TataCompanies) February 6, 2022
നാല് ഓപ്ഷനുകളാണ് അന്ന് തൊഴിലാളികൾക്ക് മുന്നിൽ വെച്ചത്. 1946ൽ ആയിരുന്നു അത്. പിന്നീട് ടാറ്റ ഗ്രൂപ്പിൽ നിന്നും കമ്പനി വേർപെട്ടുവെങ്കിലും ആ പേര് അതേ പോലെ തന്നെ നിലനിൽക്കുകയായിരുന്നു. ഇന്ത്യൻ എയർലൈൻസ്, പാൻ ഇന്ത്യൻ എയർലൈൻസ്, ട്രാൻസ് ഇന്ത്യൻ എയർലൈൻസ്, എയർ ഇന്ത്യ തുടങ്ങിയവയായിരുന്നു തൊഴിലാളികൾക്ക് മുന്നിൽ വെച്ച ചോയിസുകൾ എന്നും കമ്പനി വ്യക്തമാക്കുന്നു.
പഴയ എയർ ഇന്ത്യ വിമാനത്തിന്റെ ചിത്രത്തിനൊപ്പം 1946ലെ ടാറ്റ ബുള്ളറ്റിൻ മാസികയുടെ ചിത്രവും കമ്പനി ട്വിറ്ററിൽ പങ്ക് വെച്ചിട്ടുണ്ട്.
