ഡല്ഹി: ഓണ്ലൈന് മുഖാന്തിരം ഭീകരസംഘടനയായ ഐ.എസിലേക്ക് ആളെ കൂട്ടിയ രണ്ട് ശ്രീനഗര് സ്വദേശികളെ അറസ്റ്റ് ചെയ്ത് എന്.ഐ.എ. ഇന്ത്യയ്ക്കെതിരെ അക്രമാസക്തമായ ജിഹാദ് നടത്തുക എന്ന ലക്ഷ്യത്തിന്റെ ഭാഗമായാണ് ഇവര്, സംഘടനയിലേക്ക് ആളെ കൂട്ടുന്നതിനായി സോഷ്യല് മീഡിയയില് സംഘടിത ക്യാമ്പെയിന് നടത്തിയത്. ഇന്ത്യയിലെ മുസ്ലീം യുവാക്കളെ ലക്ഷ്യമിട്ടുകൊണ്ടുള്ള ഓണ്ലൈന് റിക്രൂട്ട്മെന്റ് ക്യാമ്പയിന് ആണ് ഐ.എസ് ആരംഭിച്ചതെന്ന് ദേശീയ അന്വേഷണ ഏജന്സിയാണ് വെളിപ്പെടുത്തിയത്.
യുവാക്കളെ സംഘടനയിലേക്ക് ആകര്ഷിച്ച്, തീവ്രവാദികളാക്കി മാറ്റി ഇന്ത്യക്കെതിരെ പ്രവര്ത്തിപ്പിക്കുക എന്നതാണ് നിരോധിത ഭീകര സംഘടനയായ ഐ.എസ് നടത്തിയിരുന്നതെന്ന്, ‘വോയ്സ് ഓഫ് ഹിന്ദ് കേസില്’ ദേശീയ അന്വേഷണ ഏജന്സി (എന്ഐഎ) സമര്പ്പിച്ച കുറ്റപത്രത്തില് പറയുന്നു. തങ്ങളുടെ പ്രവര്ത്തനങ്ങള് ഏകോപിപ്പിക്കുന്നതിനായി ഐ.എസ്, സോഷ്യല് മീഡിയയില് ഒരു സംഘടിത ക്യാമ്പയിന് ആരംഭിക്കുകയായിരുന്നുവെന്ന് എന്.ഐ.എയുടെ കുറ്റപത്രത്തില് വ്യക്തമാക്കുന്നു.
ശ്രീനഗര് നിവാസികളായ രണ്ട് പേര്ക്കെതിരെയാണ് കേസെടുത്തിരിക്കുന്നത്. അഫ്ഷാന് പര്വൈസ് ജറാബി, തൗഹീദ് ലത്തീഫ് സോഫി എന്നിവര്ക്കെതിരെയുള്ള കുറ്റപത്രം എന്.ഐ.എ തയ്യാറാക്കി. രാജ്യവിരുദ്ധ പ്രവര്ത്തനങ്ങള് ആണ് ഇരുവരും നടത്തിയതെന്ന് കുറ്റപത്രത്തില് വ്യക്തമാക്കുന്നു. ഐ.എസിന്റെ പ്രധാനിയായ ഉമര് നിസാറിന്റെ അടുത്ത അനുയായി ആണ് ഇപ്പോള് അറസ്റ്റിലായ പര്വൈസ് എന്ന് എന്.ഐ.എ വിശദീകരിക്കുന്നു.
Discussion about this post