ഹൂബ്ലി: ധർമ്മശാസ്ത്ര പഠനത്തിന്റെ ഭാഗമായി സ്കൂളുകളിൽ ഭഗവത് ഗീത പഠിപ്പിക്കുന്നതിനോട് കോൺഗ്രസിന് എതിർപ്പില്ലെന്ന് കർണാടക പ്രതിപക്ഷ നേതാവ് സിദ്ധരാമയ്യ. വിദഗ്ദ്ധാഭിപ്രായമനുസരിച്ച് കർണാടക പാഠ്യപദ്ധതിയിൽ ഭഗവത് ഗീത കൂടി ഉൾപ്പെടുത്തുമെന്ന കർണാടക വിദ്യാഭ്യാസ മന്ത്രി ബി സി നാഗേഷിന്റെ അഭിപ്രായത്തോട് പ്രതികരിക്കുകയായിരുന്നു അദ്ദേഹം.
നേരത്തെ ഗുജറാത്തിലെ 6 മുതൽ 12 വരെയുള്ള ക്ലാസ്സുകളിൽ പാഠ്യപദ്ധതിയുടെ ഭാഗമായി ഭഗവത് ഗീത ഉൾപ്പെടുത്താൻ തീരുമാനിച്ച വിവരം വിദ്യാഭ്യാസ മന്ത്രി ജിത്തു വഘാനി അറിയിച്ചിരുന്നു. 2022-23 അദ്ധ്യയന വർഷം മുതൽ ഇത് പ്രാബല്യത്തിൽ വരുമെന്നും അദ്ദേഹം പറഞ്ഞിരുന്നു. ഇതിന് പിന്നാലെയാണ് കർണാടകയിലും ധർമ്മശാസ്ത്ര പഠനത്തിന്റെ ഭാഗമായി സ്കൂളുകളിൽ ഭഗവത് ഗീത പഠിപ്പിക്കാൻ സർക്കാർ തീരുമാനിച്ചത്.
Discussion about this post