കൊച്ചി: സുരേഷ് ഗോപി മലപ്പുറംകാരനായി എത്തുന്ന ജിബു ജേക്കബ് ചിത്രത്തിന് മേ ഹൂം മൂസ എന്ന് പേരിട്ടു, സിനിമയുടെ ചിത്രീകരണം കൊടുങ്ങല്ലൂരിൽ ആരംഭിച്ചു. വലിയ ബജറ്റിൽ ഒരുങ്ങുന്ന ചിത്രമാണ് ‘മേ ഹൂം മൂസ‘.
വാഗ അതിര്‍ത്തി അടക്കം ഇന്ത്യയിലെ വിവിധ പ്രദേശങ്ങളിലായിരിക്കും ചിത്രീകരണം. 1998 മുതല്‍ 2018 വരെയുള്ള കാഘട്ടമാണ് ചിത്രത്തിൽ പറയുന്നത്. റുബീഷ് റെയ്നാണ് ചിത്രത്തിന്റെ കഥ, തിരക്കഥ, സംഭാഷണം ഒരുക്കുന്നത്. വിഷ്ണു നാരായണൻ ഛായാഗ്രഹണം നിർവഹിക്കുന്ന ചിത്രത്തിന് ശ്രീനാഥ് ശിവശങ്കരനാണ് സംഗീതം ഒരുക്കുന്നത്.
സുരേഷ് ഗോപിയുടെ 253-ാം ചിത്രമാണ് മേ ഹൂം മൂസ. തോമസ് തിരുവല്ല പ്രൊഡക്ഷന്‍സും കോണ്‍ഫിഡന്റ് ഗ്രൂപ്പും ചേര്‍ന്ന് നിര്‍മിക്കുന്ന ചിത്രത്തില്‍ സുരേഷ് ഗോപിയ്‌ക്കൊപ്പം സൈജു കുറുപ്പ്, പൂനം ബജ്‌വ, ഹരീഷ് കണാരൻ തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു.
