പാലക്കാടിന്റെ വിവിധ ഭാഗങ്ങളിൽ നിന്നും കണ്ടെടുത്തിട്ടുള്ള വീരക്കല്ലുകളും സതി കല്ലുകളും നൂറ്റാണ്ടുകളുടെ ചരിത്രം പേറുന്നവയാണ്. കാഴ്ചയിൽ കേവലമൊരു കല്ലെന്നു തോന്നിയാലും അതിനപ്പുറം ഏറെ പറയാനുണ്ട് ഇവയ്ക്ക്. നായ്ക്കർ കാലഘട്ടത്തിലേത് എന്ന് കരുതപ്പെടുന്ന ഈ വീരക്കല്ലുകളും,സതി കല്ലുകളും വീരന്മാരുടെ മരണത്തെ തുടർന്ന് സ്ഥാപിക്കപ്പെട്ടവയാണ്.ആദിമ കാലഘട്ടം മുതലേ എല്ലാ ആരാധനയും വീരാരാധനയുടെ ഭാഗമാണ്.
അക്കാലത്തെ വീരന്മാരായ മനുഷ്യർ ,മരണപ്പെട്ടു കഴിഞ്ഞാൽ അവരുടെ ശരീരം മറവ് ചെയ്തതിൻ്റെ മുകളിൽ വയ്ക്കുന്നതാണ് വീരക്കല്ല്.അതിൽ ആ വീരൻ്റെ രൂപം കൊത്തി വച്ച് കാണും.ഇത്തരം വീരന്മാരുടെ പത്നിമാർ ,തങ്ങളുടെ ഭർത്താവിൻ്റെ മരണ ശേഷം ജീവ ത്യാഗം ചെയ്യാറുണ്ട്.എല്ലാവരും അല്ലാ,ചിലർ .അതൊരു സ്വമേധയാ എടുക്കുന്ന തീരുമാനം കൂടിയാകാം.അങ്ങനെ വരും നേരം ഭാര്യയുടെയും ഭർത്താവിൻ്റെയും രൂപം കൊത്തി വച്ച ഒരു കല്ല് ഇവരുടെ കുഴി മാടത്തിനു മുകളിൽ വയ്ക്കും.അതാണ് സതി കല്ല്.
ഇവർ എല്ലാം ഒടുവിൽ ആ ഗ്രാമത്തിൻ്റെ കാവൽ ദൈവമായും,മറ്റും അറിയപ്പെടും. ഇത്തരത്തിലുള്ള നിരവധികല്ലുകൾ ചരിത്രത്തിന്റെ ഭാഗമായി കേരളത്തിന്റെ പലഭാഗങ്ങളിൽ നിന്നും കണ്ടെത്തിയിട്ടുണ്ട്. എന്നാൽ പലപ്പോഴും വീരകല്ലുകൾ തിരിച്ചറിയപ്പെടാതെ പോയ കഥകളും ഉണ്ട്. സാധാരണ കല്ലിൽ കവിഞ്ഞ വലുപ്പം ഇവയ്ക്കുണ്ടാകും. മുകളിലേക്ക് കാണുന്ന ഭാഗം പോലെ തന്നെ ആഴത്തിൽ ഭൂമിക്ക് അടിയിലേക്കും കല്ല് വ്യാപിച്ചിട്ടുണ്ടാകും.
Discussion about this post