ന്യൂഡെല്ഹി: സാമ്പത്തിക സഹായമാണ് ഭീകരവാദ പ്രവര്ത്തനങ്ങളുടെ ജീവനാഡിയെന്നും ഭീകരവിരുദ്ധ പ്രവര്ത്തനങ്ങള്ക്കുള്ള സാമ്പത്തിക സഹായത്തിന് കൂടുതല് മുന്ഗണന നല്കണമെന്നും ദേശീയ സുരക്ഷ ഉപദേഷ്ടാവ് അജിത് ഡോവല്. മധ്യ ഏഷ്യന് രാജ്യങ്ങളിലെ സുരക്ഷ ഉപദേഷ്ടാക്കളുടെ യോഗത്തിന്റെ ഉദ്ഘാടന വേളയിലാണ് ഭീകവാദ വിരുദ്ധ പ്രവര്ത്തനങ്ങള്ക്കായി പണം ചിലവഴിക്കേണ്ടതിന്റെ ആവശ്യകതയെ കുറിച്ച് ഡോവല് ഓര്മ്മിപ്പിച്ചത്.
മേഖലയിലെ പ്രധാനപ്പെട്ട സുരക്ഷ വെല്ലുവിളികളെ നേരിടുന്നതിനുള്ള പൊതുവായ ഒരു ചട്ടക്കൂടിന് രൂപം നല്കുകയെന്ന ലക്ഷ്യത്തോടെയാണ് ഇന്ത്യയില്, ഇന്ത്യ-സെന്ട്രല് ഏഷ്യ രാജ്യങ്ങളിലെ ദേശീയ സുരക്ഷ ഉപദേഷ്ടാക്കളുടെ യോഗം നടക്കുന്നത്. കണക്ടിവിറ്റി പ്രോജക്ടുകളില് രാജ്യങ്ങളുടെ പരമാധികാരത്തെ മാനിക്കണമെന്ന് വിമര്ശനങ്ങള് നേരിടുന്ന ചൈനയുടെ ബെല്റ്റ് ആന്ഡ് റോഡ് ഉദ്യമത്തെ (ബിആര്ഐ) ഉദ്ദേശിച്ച് ഡോവല് പറഞ്ഞു.
കസാക്കിസ്ഥാന്, കിര്ഗിസ്ഥാന്, താജിക്കിസ്ഥാന്, ഉസ്ബെക്കിസ്ഥാന് എന്നിവിടങ്ങളില് നിന്നുള്ള മുതിര്ന്ന സുരക്ഷ ഉദ്യോഗസ്ഥരും കോണ്ക്ലേവില് പങ്കെടുക്കുന്നുണ്ട്.
