ന്യൂഡെല്ഹി: രാജ്യന്തര ക്രിക്കറ്റില് 500 സിക്സറുകള് നേടുന്ന ആദ്യ ഇന്ത്യക്കാരനായി ക്യാപ്റ്റന് രോഹിത് ശര്മ്മ. ഇന്നലെ നടന്ന ഇന്ത്യ-ബംഗ്ലാദേശ് മത്സരത്തിലാണ് രോഹിത് തന്റെ കരിയറിലെ പുതിയ നാഴികക്കല്ല് പിന്നിട്ടത്.
ലോക നിരയില് ഏറ്റവും കൂടുതല് സിക്സറുകള് നേടിയ (553 സിക്സ്) വെസ്റ്റ് ഇന്ഡീസ് ഹിറ്റ് മേക്കര് ക്രിസ് ഗെയ്ലാണ് ഈ നിരയില് രോഹിതിന് മുന്നിലുള്ളത്. ഇന്നലെ ബംഗ്ലാദേശിനെതിരായ രണ്ടാം ഏകദിന മത്സരത്തില് 5 സിക്സറുകള് പായിച്ചതോടെ രോഹിതിന്റെ കരിയറിലെ ആകെ സിക്സറുകളുടെ എണ്ണം 502 ആയി. പാക്കിസ്ഥാന് ഓള് റൗണ്ടര് ഷാഹിദ് അഫ്രിദി (476 സിക്സ്), മുന് ന്യൂസിലന്ഡ് ക്യാപ്റ്റന് ബ്രന്ഡന് മക്കെല്ലം (398 സിക്സ്), ന്യൂസിലന്ഡ് ഓപ്പണര് മാര്ട്ടിന് ഗപ്റ്റില് എന്നിവരാണ് സിക്സര് പട്ടികയില് നിലവില് രോഹിത്തിന് പിന്നിലുള്ളത്. 428 കളികളില് നിന്നും 16444 റണ്സ് നേടിയ ക്യാപ്റ്റന് 41 സെഞ്ച്വറികളും (ടെസ്റ്റ്-8, ഏകദിനം-29, ടി20-4)സ്വന്തം പേരില് കുറിച്ചിട്ടുണ്ട്.
പരിക്കേറ്റ കൈയുമായി ഇന്നലെ കളത്തില് എത്തിയ രോഹിത് ശര്മ്മ മൂന്ന് ബൗണ്ടറികളും അഞ്ച് സിക്സറുകളും അടക്കം പുറത്താകാതെ 51 റണ്സ് നേടിയിരുന്നു. അവസാന പന്തില് 6 റണ്സ് നേടിയാല് ജയം ഉറപ്പായിരുന്ന കളിയില് ഇന്ത്യ 5 റണ്സിന് തോല്വി ഏറ്റുവാങ്ങുകയായിരുന്നു.
Discussion about this post