ന്യൂഡെല്ഹി: ഓര്ഗനൈസേഷന് ഓഫ് ഇസ്ലാമിക് കോഓപ്പറേഷന് (ഒഐസി) സെക്രട്ടറി ജനറലിന്റെ പാക് അധീന കാശ്മീര്(പിഒകെ) സന്ദര്ശനത്തെയും മേഖലയെ കുറിച്ചുള്ള പരാമര്ശങ്ങളെയും കടുത്ത ഭാഷയില് വിമര്ശിച്ച് ഇന്ത്യ. ഈ മേഖലയുമായി ബന്ധപ്പെട്ട വിഷയങ്ങളില് ഇടപെടാനുള്ള അവകാശം ഒഐസിക്ക് ഇല്ലെന്ന് ഇന്ത്യ വ്യക്തമാക്കി.
ഒഐസിയോ അതിന്റെ സെക്രട്ടറി ജനറലോ ഇന്ത്യയുടെ ആഭ്യന്തര വിഷയങ്ങളില് ഏതെങ്കിലും രീതിയില് ഇടപെടാന് ശ്രമിക്കുന്നത് ഒരു തരത്തിലും അംഗീകരിക്കാനാകില്ലെന്ന് ഒഐ,ി സെക്രട്ടറി ജനറല് ഹിസ്സീന് ബ്രഹീം താഹയുടെ പാക് അധീന സന്ദര്ശനത്തെ കടുത്ത ഭാഷയില് വിമര്ശിച്ച് ഇന്ത്യയുടെ വിദേശകാര്യ മന്ത്രാലയ വക്താവ് അരിന്ദം ബാഗ്ചി പറഞ്ഞു. ഒരു നാണവുമില്ലാതെപ്രശ്നങ്ങളില് വര്ഗ്ഗീയവും പക്ഷപാതപരവും വസ്തുനിഷ്ഠവുമല്ലാത്ത നിലപാടുകള് എടുക്കുന്നതിനാല് ഒഐസിയുടെ വിശ്വാസ്യത ഇതിനോടകം നഷ്ടമായെന്നും ബാഗ്ചി വിമര്ശിച്ചു.
ത്രിദിന സന്ദര്ശനത്തിന് പാക്കിസ്ഥാനില് എത്തിയ താഹ പാക് അധീന കാശ്മീര് സന്ദര്ശിച്ചിരുന്നു. പാക് സന്ദര്ശനത്തിനിടെ ഒഐസി ജനറല് സെക്രട്ടറി പാക് അധീന കശ്മീര് സന്ദര്ശിച്ചതിനെയും ജമ്മു കശ്മീരിനെ കുറിച്ച് നടത്തിയ പരാമര്ശങ്ങളെയും ഇന്ത്യ ശക്തമായി എതിര്ക്കുന്നു. ഇന്ത്യയുടെ അവിഭാജ്യ ഘടകമായ ജമ്മു കശ്മീരുമായി ബന്ധപ്പെട്ട വിഷയങ്ങളില് നിലപാടെടുക്കാന് ഒഐസിക്ക് ഒരു അവകാശവും ഇല്ലെന്ന കാര്യം വ്യക്തമാക്കാന് ഞാന് ആഗ്രഹിക്കുന്നു, ബാഗ്ചി പറഞ്ഞു. ദൗര്ഭാഗ്യവശാല് ഒഐസി ജനറല് സെക്രട്ടറി പാക്കിസ്ഥാന് മൗത്ത്പീസ് ആയെന്നും ബാഗ്ചി കുറ്റപ്പെടുത്തി.
മുസ്ലീം ഭൂരിപക്ഷ രാജ്യങ്ങളുടെ സംഘടനയാണ് ഒഐസി.
Discussion about this post