ബീജിംഗ്: കോവിഡ്-19 നിയന്ത്രണങ്ങളില് ഇളവ് വരുത്തിയതിന് ശേഷം ചൈനയില് കൊറോണ വൈറസ് കേസുകള് കുത്തനെ ഉയരുന്നു. ചൈനയിലെ ആശുപത്രികള് പൂര്ണമായും രോഗികളെ കൊണ്ട് നിറഞ്ഞിരിക്കുന്ന അവസ്ഥയാണെന്ന് പകര്ച്ചവ്യാധി വിദഗ്ധനും ഹെല്ത്ത് എക്കണോമിസ്റ്റുമായ എറിക് ഫീഗല് ഡിങ് റിപ്പോര്ട്ട് ചെയ്തു.
അടുത്ത 90 ദിവസത്തിനുള്ളില് ചൈനീസ് ജനതയുടെ 60 ശതമാനം പേരും ലോകജനതയുടെ 10 ശതമാനം പേരും കോവിഡ് ബാധിതര് ആകുമെന്ന് എറിക് ഫീഗല് ഡിങ് മുന്നറിയിപ്പ് നല്കി. മൂന്ന് മാസത്തിനുള്ളില് മരണസംഖ്യ ദശലക്ഷങ്ങളിലേക്ക് എത്തുമെന്നും അദ്ദേഹം അഭിപ്രായപ്പെട്ടു. രോഗം വരേണ്ടവര്ക്ക് രോഗം വരട്ടെ, മരിക്കണ്ടവര് മരിക്കട്ടെ എന്ന ലക്ഷ്യമാണ് ചൈനീസ് കമ്മ്യൂണിസ്റ്റ് പാര്ട്ടി(സിസിപി)ക്കെന്ന് ഫീഗല് ദിങ് ആരോപിച്ചു. നേരത്തെ രോഗബാധയുണ്ടാകുക, നേരത്തെ ആളുകള് മരിക്കുക, നേരത്തെ രോഗം മൂര്ധന്യാവസ്ഥയില് എത്തുക, നേരത്തെ നിര്മ്മാണ മേഖലയുടെ പ്രവര്ത്തനം പുനഃരാരംഭിക്കുക എന്നതാണ് അവരുടെ നയമെന്നും അദ്ദേഹം കുറ്റപ്പെടുത്തി.
കോവിഡ്-19 രോഗികള്ക്ക് മാത്രമായി സജ്ജീകരിച്ച ബീജിംഗിലെ ശ്മശാനം കോവിഡ് രോഗം വന്ന് മരിച്ചവരുടെ മൃതദേഹങ്ങള് കൊണ്ട് നിറഞ്ഞിരിക്കുകയാണെന്ന് വാള്സ്ട്രീറ്റ് ജേണലും റിപ്പോര്ട്ട് ചെയ്തു.
ചൈനയിലെ കോവിഡ് പ്രതിസന്ധി ലോകത്തിനൊന്നാകെ ആശങ്കയുണ്ടാക്കുന്നതാണെന്ന് അമേരിക്കയും അഭിപ്രായപ്പെട്ടു. അനിയന്ത്രിതമായി പരക്കുന്ന വൈറസിന് വ്യതിയാനം വരുത്താനും എല്ലായിടത്തും ഉള്ള ആളുകളെ രോഗശയ്യയിലാക്കാനും കഴിവുണ്ടാകുമെന്നും അമേരിക്കന് സ്റ്റേറ്റ് ഡിപ്പാര്ട്മെന്റ് സെക്രട്ടറഫി നെദ് പ്രൈസ് അഭിപ്രായപ്പെട്ടു. ഈ പ്രതിസന്ധിയെ ഉടന് അഭിമുഖീകരിക്കേണ്ടതുണ്ടെന്നും അദ്ദേഹം പറഞ്ഞു.
Discussion about this post