തിരുവനന്തപുരം: മൂന്ന് സഹോദരിമാരെ ഒരു വർഷമായി ലൈംഗികമായി പീഡിപ്പിച്ച കേസിൽ പ്രതിയ്ക്ക് തടവു ശിക്ഷ വിധിച്ച് കോടതി. വെഞ്ഞാറമൂട് പുല്ലമ്പാറ സ്വദേശിയായ കുട്ടൻ എന്ന് വിളിക്കുന്ന അപ്പുക്കുട്ടനാണ് പ്രതി. 70 വർഷം കഠിന തടവും 1,70000 രൂപ പിഴയുമാണ് ശിക്ഷ.നെടുമങ്ങാട് ഫാസ്റ്റ് ട്രാക്ക് സ്‌പെഷ്യൽ കോടതി ജഡ്ജ് കെ പി സുനിലാണ് ശിക്ഷ വിധി പുറപ്പെടുവിച്ചത്.
പെൺകുട്ടികളുടെ ബന്ധുവും അയൽവാസിയുമാണ് പ്രതി.സഹോദരന്മാരായ രണ്ടുപേരുടെ മൂന്ന് പെൺമക്കളെ ഒരു വർഷത്തിലധികമായി ലൈംഗികമായി പീഡിപ്പിക്കുകയായിരുന്നു. 5,7,8 വയസ്സുള്ള പെൺകുട്ടികളാണ് പീഡിപ്പിക്കപ്പെട്ടത്.വീട്ടുമുറ്റത്ത് പാർക്ക് ചെയ്തിരുന്ന ഓട്ടോറിക്ഷയിൽ വച്ച് കളിക്കാൻ എന്ന വ്യാജേന എത്തിയ പ്രതി കുട്ടികളെ ലൈംഗികമായി പീഡിപ്പിക്കുകയായിരുന്നു.
Discussion about this post