കൊല്ലം: ആഭ്യന്തര വകുപ്പ് അഡീഷണൽ ചീഫ് സെക്രട്ടറി ഡോ. വി.വേണുവും കുടുംബവവും സഞ്ചരിച്ച ഔദ്യോഗിക വാഹനം അപകടത്തിൽ പെട്ടു. ആലപ്പുഴ കായംകുളത്ത് വച്ചാണ് അപകടമുണ്ടായത്.അപകടത്തിൽ വേണു ഉൾപ്പെടെ ഏഴ് പേർക്ക് പരിക്കേറ്റു. വേണുവിന്റെ ഭാര്യയും തദ്ദേശസ്വയംഭരണ വകുപ്പിൽ അഡീഷണൽ ചീഫ് സെക്രട്ടറിയായ ശാരദ മുരളീധരനും കാറിലുണ്ടായിരുന്നു.
ഇവർക്ക് പുറമെ മകൻ ശബരി, ഡ്രൈവർ അഭിലാഷ്, കുടുംബ സുഹൃത്തുക്കളായ പ്രണവ്, സൗരവ് എന്നിവർക്കും പരിക്കേറ്റു. അപകടത്തിൽ വേണുവിന്റെ മൂക്കിനും വയറിനും പരിക്കേറ്റിട്ടുണ്ട്. ആന്തരിക രക്തസ്രാവവും ഉണ്ട്. പരുമല ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലാണ് അദ്ദേഹം. മറ്റുള്ളവരുടെ പരിക്ക് ഗുരുതരമല്ല.
കൊച്ചിയിൽ നിന്ന് തിരുവനന്തപുരത്തേക്ക് പോവുകയായിരുന്നു വേണുവും കുടുംബവും. കൊറ്റുകുളങ്ങരക്ക് സമീപം എറണാകുളം ഭാഗത്തേക്ക് വരികയായിരുന്ന ലോറിയുമായാണ് കാർ കൂട്ടിയിടിച്ചത്. ഇടിയുടെ ആഘാതത്തിൽ കാറിന്റെ മുൻഭാഗം പൂർണമായി തകർന്നു.
Discussion about this post