മുംബൈ: നഗരത്തിൽ ഡ്രോൺ പറത്തുന്നതിന് വിലക്ക്. പ്രധാനമന്ത്രി നരേന്ദ്ര മോദിയുടെ മുംബൈ സന്ദർശനത്തിന്റെ പശ്ചാത്തലത്തിലാണ് വിലക്ക് ഏർപ്പെടുത്തിയത്. ഡ്രോണുകൾക്ക് പുറമേ പട്ടം, റിമോർട്ടിൽ നിയന്ത്രിക്കാവുന്ന കളിപ്പാട്ടങ്ങൾ, എന്നിവ പറത്തുന്നതിനും പാരാഗ്ലൈഡിംഗിനും വിലക്കേർപ്പെടുത്തിയിട്ടുണ്ട്.
ബാന്ദ്രാ കുർല കോംപ്ലകസ് പോലീസ് സ്റ്റേഷൻ പരിധിയിലാണ് ഡ്രോണുകളും പട്ടങ്ങളും പറത്തുന്നതിന് വിലക്കേർപ്പെടുത്തിയിട്ടുള്ളത്. 24 മണിക്കൂർ നേരത്തേക്കാണ് വിലക്ക്. ഇതിന് പുറമേ അന്തേരി, മെഗ്വാടി, ജഗേശ്വരി എന്നിവിടങ്ങളിലും വിലക്കേർപ്പെടുത്തിയിട്ടുണ്ട്. ഇവിടങ്ങളിൽ വ്യാഴാഴ്ച ഉച്ചയ്ക്ക് 12 മണി മുതൽ അർദ്ധ രാത്രി 12 വരെയാണ് വിലക്കേർപ്പെടുത്തിയിരിക്കുന്നത്.
സുരക്ഷയുടെ ഭാഗമായാണ് നടപടി. ഡ്രോണുകൾ, റിമോർട്ടിൽ പ്രവർത്തിപ്പിക്കാവുന്ന വിമാനങ്ങൾ എന്നിവ ഉപയോഗിച്ച് രാജ്യവിരുദ്ധ ശക്തികളും ഭീകരരും ആക്രമണം നടത്താൻ സാദ്ധ്യതയുണ്ട്. ഇത് കണക്കിലെടുത്താന് നിരോധം ഏർപ്പെടുത്താനുള്ള തീരുമാനം. ബാന്ദ്ര കുർല കോംപ്ലക്സിലെ എംഎംആർഡിഎ ഗ്രൗണ്ടിലാണ് പ്രധാനമന്ത്രി പങ്കെടുക്കുന്ന പരിപാടി സംഘടിപ്പിക്കുന്നത്.
വ്യാഴാഴ്ചയാണ് പ്രധാനമന്ത്രി നരേന്ദ്ര മോദി മുംബൈയിൽ എത്തുന്നത്. വിവിധ നിർമ്മാണ പദ്ധതികൾക്ക് തറക്കല്ലിടാനും, പൂർത്തിയാക്കിയ പദ്ധതികൾ നാടിന് സമർപ്പിക്കുന്നതിനും വേണ്ടിയാണ് അദ്ദേഹം മുംബൈയിൽ എത്തുന്നത്. പ്രധാനമന്ത്രിയുടെ സന്ദർശനത്തിന്റെ പശ്ചാത്തലത്തിൽ പ്രദേശത്ത് സുരക്ഷ ഏർപ്പെടുത്തിയിട്ടുണ്ട്.
Discussion about this post