മേന്ദിപത്ഥർ: മേഘാലയയിലെ മേന്ദിപത്ഥറിൽ വനവാസി കലാകാരന്മാർക്കൊപ്പം ചെണ്ട കൊട്ടി നൃത്തം ചെയ്ത് പശ്ചിമ ബംഗാൾ മുഖ്യമന്ത്രി മമത ബാനർജി. നൃത്തത്തിന് ശേഷം പരമ്പരാഗത മേഘാലയൻ തൊപ്പി ധരിച്ചാണ് മമത ജനങ്ങളെ അഭിസംബോധന ചെയ്തത്. തിരഞ്ഞെടുപ്പ് പ്രചാരണത്തിന്റെ ഭാഗമായി മേഘാലയ സന്ദർശിച്ചതായിരുന്നു പശ്ചിമ ബംഗാൾ മുഖ്യമന്ത്രി.
അതേസമയം മമതയുടെ നൃത്തത്തെ പരിഹസിച്ച് ബിജെപി രംഗത്തെത്തി. തിരഞ്ഞെടുപ്പ് കഴിയുന്നത് വരെ ഇനി വടക്കു കിഴക്കൻ സംസ്ഥാനങ്ങളിൽ ഇത്തരം നാടകങ്ങൾ പതിവായിരിക്കുമെന്ന് ബിജെപി നേതാക്കൾ പരിഹസിച്ചു.
മേഘാലയ ഉൾപ്പെടെ 3 സംസ്ഥാനങ്ങളിലെ നിയമസഭാ തിരഞ്ഞെടുപ്പിനുള്ള തീയതികൾ ഇന്ന് കേന്ദ്ര തിരഞ്ഞെടുപ്പ് കമ്മീഷൻ പ്രഖ്യാപിച്ചിരുന്നു. ത്രിപുരയിൽ ഫെബ്രുവരി 16 നും മേഘാലയയിലും നാഗാലാൻഡിലും ഫെബ്രുവരി 27 നും തിരഞ്ഞെടുപ്പ് നടക്കുമെന്നാണ് പ്രഖ്യാപനം. മാർച്ച് 2നാണ് മൂന്ന് സംസ്ഥാനങ്ങളിലും വോട്ടെണ്ണൽ.
തിരഞ്ഞെടുപ്പ് പ്രഖ്യാപിച്ച സാഹചര്യത്തിൽ ഈ മൂന്ന് സംസ്ഥാനങ്ങളിലും മാതൃകാ പെരുമാറ്റച്ചട്ടം നിലവിൽ വന്നതായി തിരഞ്ഞെടുപ്പ് കമ്മീഷൻ അറിയിച്ചു. ത്രിപുരയിലും മേഘാലയയിലും നാഗാലാൻഡിലുമായി 62.8 ലക്ഷം വോട്ടർമാരാണ് ഉള്ളത്. 9,125 പോളിങ് സ്റേഷനുകളാകും ക്രമീകരിക്കുക. തിരഞ്ഞെടുപ്പിന് മുന്നോടിയായി ഈ മൂന്ന് സംസ്ഥാനങ്ങളിലെയും മുന്നൊരുക്കങ്ങൾ തിരഞ്ഞെടുപ്പ് കമ്മീഷൻ വിലയിരുത്തി.
#WATCH | Trinamool Congress chief & West Bengal CM Mamata Banerjee today tried her hands at playing a traditional drum and also danced with tribal artists in Meghalaya's Mendipathar pic.twitter.com/2cBr3c808b
— ANI (@ANI) January 18, 2023
Discussion about this post