മുംബൈ: ഭൂനികുതി അടയ്ക്കാത്തതിന് ബോളിവുഡ് താരം ഐശ്വര്യറായ് ബച്ചന് നികുതി വകുപ്പിന്റെ നോട്ടീസ്. നാസിക്കിലെ നടിയുടെ പേരിലുള്ള ഒരു ഹെക്ടർ ഭൂമിയുടെ നികുതി അടയ്ക്കാത്തതിനാണ് മഹാരാഷ്ട്ര സർക്കാർ നോട്ടീസ് അയച്ചത്.
21,960 രൂപയാണ് നികുതിയായി ഐശ്വര്യറായ് നൽകാനുള്ളത്. 10 ദിവസത്തിനുള്ളിൽ തുക അടയ്ക്കണമെന്നാണ് നോട്ടീസിൽ അറിയിച്ചിട്ടുള്ളത്. രണ്ട് ദിവസത്തിൽ തന്നെ നികുതി അടയ്ക്കുമെന്ന് ഐശ്വര്യ റായിയുമായി ബന്ധപ്പെട്ട വൃത്തങ്ങൾ അറിയിച്ചു. 2009ലാണ് ഐശ്വര്യ ഈ ഭൂമി വാങ്ങിയത്. ഇതാദ്യമായിട്ടാണ് നികുതിയടയ്ക്കാൻ ഐശ്വര്യ വീഴ്ച വരുത്തിയതെന്ന് സിന്നാർ ജില്ലയിലെ തഹസിൽദാർ ഏകനാഥ് പറഞ്ഞു.
ഒരു വർഷമായിട്ടുള്ള ഭൂമിയുടെ കുടിശിക നികുതിയാണ് അടയ്ക്കാനുള്ളത്. ഐശ്വര്യയ്ക്ക് പുറമെ 1200 പേർക്ക് കൂടി നോട്ടീസ് അയച്ചിട്ടുണ്ട്. ഇതേ പ്രദേശത്ത് തന്നെ ഉള്ളവരാണ് ഇവരും. ഇക്കഴിഞ്ഞ ജനുവരി ഒൻപതിനാണ് ഐശ്വര്യയ്ക്ക് നോട്ടീസ് അയച്ചത്.
Discussion about this post