തിരുവനന്തപുരം: ഇന്ത്യ അദ്ധ്യക്ഷത വഹിക്കുന്ന ജി20 ഉച്ചകോടിയുടെ കീഴിലുള്ള ആദ്യ ആരോഗ്യ വർക്കിംഗ് ഗ്രൂപ്പ് യോഗത്തോടനുബന്ധിച്ച് ജി20 അംഗരാജ്യങ്ങളുടെയും പ്രത്യേക ക്ഷണിതാക്കളായ രാജ്യങ്ങളുടെയും പ്രമുഖ രാജ്യാന്തര സംഘടനകളുടെയും പ്രതിനിധികൾ തിരുവനന്തപുരം കിംസ്‌ഹെൽത്ത് ആശുപത്രി സന്ദർശിച്ചു. കോവളത്ത് നടക്കുന്ന ജി20 ആരോഗ്യ വർക്കിംഗ് ഗ്രൂപ്പ് യോഗത്തിന്റെ ആരോഗ്യ പങ്കാളിയാണ് കിംസ്‌ഹെൽത്ത്. ‘മെഡിക്കൽ വാല്യൂ ട്രാവൽ’ എന്ന ഫീൽഡ് ട്രിപ്പിന്റെ ഭാഗമായി കേരളത്തിലെ ആരോഗ്യ പരിരക്ഷ-സംരക്ഷണ സംവിധാനങ്ങളെക്കുറിച്ചും, അന്താരാഷ്ട്ര നിലവാരത്തിലുള്ള കിംസ്‌ഹെൽത്തിലെ സൗകര്യങ്ങളെപ്പറ്റിയും പരിചയപ്പെടുത്തിയ സെമിനാറിലും പ്രതിനിധികൾ പങ്കെടുത്തു.
സന്ദർശന വേളയിൽ, വിവിധ ഡിപ്പാർട്ട്മെന്റുകളെക്കുറിച്ചും കേരളത്തിന്റെ അടിസ്ഥാന ആരോഗ്യ സംരക്ഷണത്തിൽ ആശുപത്രി വഹിക്കുന്ന സുപ്രധാന പങ്കിനെപ്പറ്റിയും അധികൃതർ വിവരിച്ചു. കൂടാതെ അത്യാധുനിക തീവ്ര പരിചരണ വിഭാഗം, വിസ മെഡിക്കൽസ്, ഇന്റർനാഷണൽ പേഷ്യന്റ് റിലേഷൻസ്, എക്‌സിക്യൂട്ടീവ് വെൽനെസ്സ്, ഇന്റെർവെൻഷണൽ പൾമണോളജി, ഈസ്റ്റ് തേർഡ് ലെവൽ ഒ.പി, കമാൻഡ് സെന്റർ, ബിപ്ലെയ്ൻ കാത്ത് ലാബ്, കിംസ്‌ഹെൽത്ത് കാൻസർ സെന്റർ തുടങ്ങി വിവിധ വിഭാഗങ്ങളും പ്രതിനിധികൾ സന്ദർശിച്ചു. ആശുപത്രിയിലെ സംവിധാനങ്ങളെക്കുറിച്ചും അവയുടെ പ്രവർത്തനങ്ങളെക്കുറിച്ചുമുള്ള പ്രതിനിധികളുടെ സംശയങ്ങൾക്ക് അധികൃതർ മറുപടി നൽകി.
കേന്ദ്ര ആരോഗ്യ കുടുംബക്ഷേമ മന്ത്രാലയം അഡീഷണൽ സെക്രട്ടറി ലവ് അഗർവാൾ ഐഎഎസ്, ജോയിന്റ് സെക്രട്ടറിമാരായ മാനസ്വി കുമാർ ഐഎഎസ്, വിശാൽ ചൗഹാൻ ഐഎഎസ് എന്നിവരും ജി20 സംഘത്തോടൊപ്പം കിംസ്‌ഹെൽത്ത് സന്ദർശിക്കുകയും ആരോഗ്യസംരക്ഷണ സംവിധാനം കൂടുതൽ കാര്യക്ഷമവും ചെലവ് കുറഞ്ഞതുമാക്കാനുള്ള ജി20 യുടെ ശ്രമങ്ങൾ യോഗം ആവർത്തിക്കുകയും അത് നിറവേറ്റുന്നതിനായി കിംസ്‌ഹെൽത്ത് നടത്തിയ ഇടപെടലുകളെ അഭിനന്ദിക്കുകയും ചെയ്തു. ജി20 രാജ്യങ്ങളിലെ പ്രതിനിധികൾക്ക് ആതിഥേയത്വം വഹിക്കാനായതിലും, കിംസ്‌ഹെൽത്തിന്റെ സംവിധാനങ്ങൾ പരിചയപ്പെടുത്താനായതിലും, രാജ്യത്തിന്റെ ആരോഗ്യ അടിസ്ഥാന സൗകര്യങ്ങളുടെ ഒരു അവലോകനം അവതരിപ്പിക്കുന്നതിലും അതിയായ സന്തോഷവും അഭിമാനവും തോന്നുവെന്ന് കിംസ്‌ഹെൽത്ത് ചെയർമാനും മാനേജിങ് ഡയറക്ടറുമായ ഡോ. എം.ഐ സഹദുള്ള പറഞ്ഞു.
കിംസ്‌ഹെൽത്ത് എക്‌സിക്യൂട്ടീവ് ഡയറക്ടർ ഇഎം നജീബ്, ഡയറക്ടർമാരായ ഇ ഇക്ബൽ, ഡോ പി.എം സുഹ്‌റ, സിഇഒ ജെറി ഫിലിപ്പ്, ക്ലസ്റ്റർ സിഒഒ രശ്മി ഐഷ, ഗ്രൂപ്പ് ഹെഡ് – ആർസിഎം & എച്ച്‌സിപി, വിനോദ് വൈ.ആർ എന്നിവരും കിംസ്‌ഹെൽത്തിന്റെ പ്രതിനിധികളായി ജി20 സംഘത്തോടൊപ്പം ഉണ്ടായിരുന്നു.
ആരോഗ്യ അടിയന്തരാവസ്ഥകളെ എങ്ങനെ നേരത്തെ പ്രതിരോധിക്കാം എന്ന മനസിലാക്കുക അത് നേരിടാനുള്ള തയ്യാറെടുപ്പുകൾ നടത്തുക, ഫാർമസ്യുട്ടിക്കൽ മേഖലയിലെ സഹകരണം മെച്ചപ്പെടുത്തി മരുന്നുകളും മെഡിക്കൽ ഉപകരണങ്ങളും മറ്റും എല്ലാവർക്കും താങ്ങാനാവുന്ന വിലയിൽ ലഭ്യമാക്കുക, ഇ-ആരോഗ്യമേഖലയിലെ നൂതന സംരംഭങ്ങളെക്കുറിച്ചും അത് കൂടുതൽ ആളുകളിലേക്ക് എത്തിക്കുന്ന വഴികൾ സ്വരൂപിച്ചെടുക്കുക തുടങ്ങിയവയാണ് ആരോഗ്യ വർക്കിംഗ് ഗ്രൂപ്പിന്റെ പ്രധാന മുൻഗണകൾ. ആഗോള തലത്തിൽ ആരോഗ്യ മേഖലയിൽ ഒരു ഘടന രൂപീകരിക്കുന്നതിന് വിവിധ വേദികളിൽ നടക്കുന്ന ചർച്ചകളെ ഏകോപിപ്പിക്കാൻ ഇന്ത്യ പ്രധാന പങ്കുവഹിക്കും.
Discussion about this post