കൊൽക്കത്ത: മമത പോലീസ് അറസ്റ്റ് ചെയ്ത ഐഎസ്എഫ് എംഎൽഎ നൗഷാദ് സിദ്ദിഖിയെ വിട്ടയക്കണമെന്ന ആവശ്യവുമായി ഇടത് സഖ്യം തെരുവിൽ. എംഎൽഎയെ പോലീസ് ഉടൻ വിട്ടയച്ചില്ലെങ്കിൽ കൊൽക്കത്തയെ ശ്വാസം മുട്ടിക്കുമെന്നാണ് പാർട്ടിയുടെ മുന്നറിയിപ്പ്.
നൗഷാദുമായി പോലീസിന്റെ സാന്നിദ്ധ്യത്തിലല്ലാതെ സംസാരിക്കണമെന്ന് പാർട്ടി നേതാക്കൾ ആവശ്യപ്പെട്ടു. എംഎൽഎയെ അറസ്റ്റ് നിയമവിരുദ്ധമായിട്ടാണ് അറസ്റ്റ് ചെയ്തതെന്നും വിട്ടയച്ചില്ലെങ്കിൽ സംസ്ഥാന വ്യാപകമായി വലിയ പ്രക്ഷോഭം നടത്തുമെന്നാണ് മുന്നറിയിപ്പ്. തൃണമൂൽ കോൺഗ്രസിനെ പാർട്ടിയുടെ ശക്തി അറിയിക്കുമെന്നും ഐഎസ്എഫ് നേതൃത്വം വ്യക്തമാക്കി.
ഇടതുസഖ്യത്തിന്റെ പശ്ചിമബംഗാൾ നിയമസഭയിലെ ഏക എംഎൽഎയാണ് നൗഷാദ് സിദ്ദിഖി. മൂന്ന് ദിവസം മുൻപാണ് ഐഎസ്എഫ് സ്ഥാപകദിനാഘോഷത്തിന് പിന്നാലെ തെരുവിൽ അഴിഞ്ഞാടിയ പാർട്ടി പ്രവർത്തകരെ പോലീസ് അറസ്റ്റ് ചെയ്തത്. തൃണമൂൽ കോൺഗ്രസ് പ്രവർത്തകരും ഐഎസ്എഫ് പ്രവർത്തകരും ഏറ്റുമുട്ടിയതോടെ പോലീസ് ലാത്തി വീശുകയും എംഎൽഎ ഉൾപ്പെടെ 19 പേരെ അറസ്റ്റ് ചെയ്യുകയുമായിരുന്നു.
Discussion about this post