നെടുമ്പാശ്ശേരി : വിമാനം താഴ്ന്ന് പറന്നതിനെ തുടർന്ന് വീടിന്റെ ഓടുകൾ പറന്നുപോയി. നെടുമ്പാശ്ശേരിയിലാണ് സംഭവം. അത്താണി ശാന്തിനഗറിൽ വയലിപ്പറമ്പിൽ പൈനാടത്ത് ഓമന വർഗീസിന്റെ വീടിന്റെ മേൽക്കൂരയിലെ ഓടുകളാണ് കാറ്റടിച്ച് പറന്നുപോയത്.
ചൊവ്വാഴ്ച രാവിലെയായിരുന്നു സംഭവം. കൊച്ചി അന്താരാഷ്ട്ര വിമാനത്താവളത്തിൽ ഇറങ്ങാനെത്തിയ വിമാനത്തിന്റെ പറക്കൽ മൂലം കാറ്റടിച്ച് ഓടുകൾ ഇളകുകയായിരുന്നു.
ഉയരമുള്ള പഴയ മാളിക വീടാണിത്. വീടിന്റെ മേൽക്കൂരയുടെ രണ്ട് ഭാഗങ്ങളിൽ നിന്ന് ഓടുകൾ പറന്നുപോയിട്ടുണ്ട്. ആർക്കും പരിക്കേറ്റിട്ടില്ല. എന്നാൽ വിമാനം ഏതെന്ന് വ്യക്തമല്ല.
Discussion about this post