മുംബൈ : ഇന്ത്യൻ ക്രിക്കറ്റ് താരം കെഎൽ രാഹുലിന്റെയും ബോളിവുഡ് താരം അതിയ ഷെട്ടിയും കഴിഞ്ഞ ദിവസമാണ് വിവാഹിതരായത്. വർഷങ്ങൾ നീണ്ടുനിന്ന പ്രണയത്തിനൊടുവിൽ അതിയയുടെ അച്ഛൻ സുനിൽ ഷെട്ടിയുടെ ഖണ്ഡാലയിലെ ഫാംഹൗസിൽ വച്ചായിരുന്നു വിവാഹം. വിവാഹത്തിന് പിന്നാലെ താരങ്ങളുടെ ചിത്രങ്ങളും മറ്റും പുറത്തുവന്നത് സമൂഹമാദ്ധ്യമങ്ങളിൽ വൈറലായിരുന്നു. ഇപ്പോഴിതാ ഇവർക്ക് ലഭിച്ച വിവാഹ സമ്മാനങ്ങളെക്കുറിച്ചുള്ള വിവരങ്ങളാണ് പുറത്തുവരുന്നത്.
അതിയ ഷെട്ടിയുടെ പിതാവ് സുനിൽ ഷെട്ടി വധൂവരന്മാർക്ക് 50 കോടിയുടെ അപ്പാർട്മെന്റാണ് സമ്മാനിച്ചത്. മുംബൈയിലാണ് അപ്പാർട്മെന്റ് സ്ഥിതി തചെയ്യുന്നത്. ബോളിവുഡ് നടനും സുനിൽ ഷെട്ടിയുടെ ഉറ്റ സുഹൃത്തുമായ സൽമാൻ ഖാൻ ഇവർക്ക് 1.64 കോടിയുടെ ഔഡി കാർ സമ്മാനമായി നൽകി.
മുപ്പത് ലക്ഷം രൂപയുടെ വാച്ചാണ് ജാക്കി ഷെറോഫ് അതിയയ്ക്ക് നൽകിയത്. അർജുൻ കപൂർ 1.5 കോടി വില വരുന്ന ബ്രേസ്ലേറ്റും സമ്മാനിച്ചു. ബോളിവുഡ് താരങ്ങളെ കൂടാതെ പ്രമുഖ ക്രിക്കറ്റ് താരങ്ങളും നവദമ്പതിമാർക്ക് സമ്മാനവുമായെത്തി.
2.17 കോടി വിലവരുന്ന ബിഎംഡബ്ല്യു കാറാണ് വിരാട് കോഹ്ലി നൽകിയത്. എംഎസ് ധോണി 80 ലക്ഷം രൂപയുടെ കവാസാക്കി നിൻജ ബൈക്കും സമ്മാനിച്ചു.
