ഭോപ്പാൽ ; ഹൃദയാഘാതത്തെ തുടർന്ന് 16 കാരി കുഴഞ്ഞുവീണ് മരിച്ചു. മദ്ധ്യപ്രദേശിലെ ഇൻഡോറിലാണ് സംഭവം. 11 ക്ലാസ് വിദ്യാർത്ഥിനിയായ വൃന്ദ ത്രിപാഠിയാണ് മരിച്ചത്.
റിപ്പബ്ലിദ് ദിനാഘോഷ പരിപാടികൾക്കായി പരിശീലനം ചെയ്യാൻ കൂട്ടുകാർക്കൊപ്പം പോയതായിരുന്നു പെൺകുട്ടി. ഇതിനിടെ വൃന്ദ കുഴഞ്ഞുവീഴുകയായിരുന്നു. വിദ്യാർത്ഥിനിയെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
തണുപ്പാകാം കുട്ടിയുടെ മരണകാരണമെന്ന് പ്രാഥമിക പരിശോധനയിൽ ഡോക്ടർമാർ പറയുന്നു. മറ്റൊരു തരത്തിലുള്ള ആരോഗ്യപ്രശ്നങ്ങളും പെൺകുട്ടിക്ക് ഉണ്ടായിരുന്നില്ല. തുടർന്ന് പോസ്റ്റ് മോർട്ടത്തിൽ ഹൃദയാഘാതമാണ് മരണകാരണമെന്ന് വ്യക്തമായി.
കൊടും തണുപ്പ് അനുഭവപ്പെടുന്ന സമയത്ത്, പ്രത്യേകിച്ച് പുലർച്ചെ 4 മണി മുതൽ രാവിലെ 10 മണി വരെ, മനുഷ്യശരീരത്തിലെ വിവിധ ഹോർമോണുകളുടെ അളവ് ഉയരുകയും രക്തം കട്ടപിടിക്കുകയും ചെയ്യുന്നു. ഈ സമയത്ത് ഹൃദയസ്തംഭനത്തിനുള്ള സാധ്യത താരതമ്യേന കൂടുതലാണെന്ന്് കാർഡിയോളജിസ്റ്റ് ഡോ അനിൽ ഭരാണി പറഞ്ഞു. .
Discussion about this post