ഗുവാഹത്തി: വടക്കുകിഴക്കൻ വിഘടനവാദി സംഘടനയായ ലിബറേഷൻ ഫ്രണ്ട് ഓഫ് അസം ഇൻഡിപെൻഡന്റ്(ഉൾഫ) കമാൻഡറെ വധിച്ച് അസം പോലീസ്. ടിൻസുകിയ ജില്ലയിലെ ഉത്തം ലഹോൺ എന്ന ഉദയ് അസം ആണ് കൊല്ലപ്പെട്ടത്.
ഉൾഫയുടെ കൊള്ളയടി സംഘത്തിലെ പ്രധാനിയും നിരവധി ഓപ്പറേഷനുകളുടെ ആസൂത്രണം ചെയ്തയാളാണ് ഉദയ് അസം എന്ന് പോലീസ് വ്യക്തമാക്കി.
കഴിഞ്ഞ കുറച്ച് ദിവസങ്ങളായി മാർഗരിറ്റയിും ലേഖപാനി പിഎസ് മേഖലയിലും തമ്പടിച്ച് വരികയായിരുന്നു ഉൾഫ അംഗങ്ങളിൽ ചിലർ. ടിൻസുക ജില്ലയിലെ പ്രമുഖ വ്യവസായിയെ തട്ടിക്കൊണ്ടുപോകാൻ ഉദയുടെ നേതൃത്വത്തിൽ ഗൂഢാലോചന നടത്തിയിരുന്നു.
അസം പോലീസ് നടത്തിയ തിരച്ചിലിലാണ് ഉദയെയും സംഘത്തെയും കണ്ടെത്തിയത്. തുടർന്ന് ഉൾഫ സംഘം അസം പോലീസിനെ ആക്രമിക്കുകയും പ്രത്യാക്രമണത്തിൽ ഉദയ് കൊല്ലപ്പെടുകയുമായിരുന്നുവെന്നാണ് വിവരം. പ്രദേശത്ത് നിന്ന് റൈഫിളുകൾ,പിസ്റ്റളുകൾ,ഗ്രേനഡുകൾ,ഐഇഡികൾ എന്നിവ കണ്ടെടുത്തിട്ടുണ്ട്. വാളുകൊണ്ട് ജീവിക്കുന്നവൻ വാളു കൊണ്ട് മരിക്കുമെന്നാണ് ഉൾഫ കമാൻഡറിന്റെ മരണത്തെ അസം ഡിജിപി ട്വിറ്ററിൽ കുറിച്ചു.
Discussion about this post