ആലുവ മണപ്പുറത്തെ വ്യാപാരമേള; കേന്ദ്രസർക്കാർ പദ്ധതികളുടെ പ്രചാരണത്തിനായി പവലിയൻ; ഉദ്ഘാടനം ചെയ്ത് കെ സുരേന്ദ്രൻ

ആലുവ: ആലുവ മണപ്പുറത്ത് ശിവരാത്രി മഹോത്സവത്തോട് അനുബന്ധിച്ച് നടത്തുന്ന വ്യാപാരമേളയിൽ നരേന്ദ്രമോദി സർക്കാരിന്റെ ജനപ്രിയ പദ്ധതികൾ ജനങ്ങളിലെത്തിക്കാനായി പ്രചാരണ പവലിയനും. ബിജെപി സംസ്ഥാന അദ്ധ്യക്ഷൻ കെ സുരേന്ദ്രനാണ് പവലിയൻ ഉദ്ഘാടനം ചെയ്തത്.

മോദി സർക്കാരിന്റെ ജനക്ഷേമ പദ്ധതികൾ ജനങ്ങളിൽ എത്തിക്കുന്നതിൽ സംസ്ഥാന സർക്കാർ അലംഭാവം കാണിക്കുന്നതായി കെ.സുരേന്ദ്രൻ ആരോപിച്ചു. പ്രധാനമന്ത്രി ഫസൽ ബീമ യോജന, പ്രൈം മിനിസ്റ്റേഴ്‌സ് എംപ്ലോയ്‌മെന്റ് ജനറേഷൻ പ്രോഗ്രാം, അസംഘടിത മേഖലയിൽ തൊഴിലെടുക്കുന്നവർക്ക് പെൻഷൻ ഉറപ്പാക്കുന്ന പ്രധാൻമന്ത്രി ശ്രംയോഗി മാൻ ധൻ പെൻഷൻ പദ്ധതി തുടങ്ങി എല്ലാ പദ്ധതികളുടെയും ഗുണങ്ങളും വിശദാംശങ്ങളും സാധാരണക്കാർക്ക് എളുപ്പം വായിച്ച് മനസിലാക്കാവുന്ന രീതിയിലാണ് പവലിയനിൽ പ്രദർശിപ്പിച്ചിട്ടുളളത്.

ആലുവ ദീനദയാൽജി സേവാ കേന്ദ്രത്തിന്റെ ആഭിമുഖ്യത്തിലുള്ള സേവന കേന്ദ്രത്തിൽ നടന്ന ഉദ്ഘാടന ചടങ്ങിൽ ബിജെപി ആലുവ മണ്ഡലം പ്രസിഡന്റ് എ.സെന്തിൽകുമാർ അദ്ധ്യക്ഷനായി. ബി.ജെ.പി എറണാകുളം ജില്ലാ അദ്ധ്യക്ഷൻ കെ.എസ്.ഷൈജു, ജന. സെക്രട്ടറി എം.എ. ബ്രഹ്മരാജ്, സെക്രട്ടറി വി.കെ ബസിത് കുമാർ തുടങ്ങിയവർ പങ്കെടുത്തു.