ലോകത്തിലെ അതിസമ്പന്നരില് രണ്ടുപേരാണ് മുകേഷ് അംബാനിയും ഭാര്യ നിത അംബാനിയും. എന്നാല് ഇതുകൊണ്ട് മാത്രമല്ല ഇവര് ലോകത്ത് അറിയപ്പെടുന്നത്. ലോകത്തിലെ ഏറ്റവും വിലയുള്ള രണ്ടാമത്തെ ഭവനത്തിന്റെ ഉടമകള് എന്ന നിലയില് കൂടിയാണ്. ബെക്കിംഗ്ഹാം കൊട്ടാരം കഴിഞ്ഞാല് ലോകത്തിലെ ഏറ്റവും വിലയേറിയ വീട് ഇവരുടെ അന്റീലിയ ആണ്. മുംബൈയിലെ അള്താമൗണ്ട് റോഡിനരുകില് 4,532 ചതുരശ്ര മീറ്ററിലാണ് ഈ ആഡംബരസൗധം ഉള്ളത്. ചിക്കാഗോ ആസ്ഥാനമായ ആര്ക്കിടെക്ചര് സ്ഥാപനമായ പെര്കിന്സ് ആന്ഡ് വില് ആണ് അന്റീലിയ രൂപകല്പ്പന ചെയ്തത്. ആസ്ട്രേലിയയില് നിന്നുള്ള ലീഗ്ടണ് ഹോള്ഡിംഗ്സ് ആണ് ഭവനം പണികഴിച്ചത്.
എന്തൊക്കെയാണ് ഈ അത്യാഡംബര ഭവനത്തിനുള്ള വിസ്മയക്കാഴ്ചകള് എന്നുനോക്കാം.
27 നിലകള്, 200 കോടി ഡോളർ മൂല്യം
അറ്റ്ലാന്റിക് സമുദ്രത്തില് ഉണ്ടെന്ന് വിശ്വസിക്കപ്പെടുന്ന നിഗൂഢ ദ്വീപായ ഫാന്റം ദ്വീപില് ഉള്പ്പെടുന്ന മായിക ദ്വീപായ അന്റീലിയയുടെ പേരാണ് മുകേഷ് അംബാനിയും ഭാര്യ നിതയും തങ്ങളുടെ സ്വപ്ന ഭവനത്തിന് നല്കിയിരിക്കുന്നത്. ദക്ഷിണ മുംബൈയുടെ ഹൃദയഭാഗത്താണ് 27 നിലകളുള്ള അന്റീലിയ സ്ഥിതി ചെയ്യുന്നത്. 600 ജോലിക്കാരാണ് അന്റീലിയയില് ജോലി ചെയ്യുന്നത്. മൂന്ന് ഹെലിപാഡുകള് ഈ കെട്ടിടത്തില് ഉണ്ട്.
വീട്ടിനുള്ളില് ഐസ്ക്രീം പാര്ലറും അമ്പലവും ബാര്ബര്ഷോപ്പും
രണ്ട് വര്ഷം കൊണ്ടാണ് അന്റീലിയയുടെ നിര്മ്മാണം പൂര്ത്തിയായത്. 2008ല് ആരംഭിച്ച നിര്മ്മാണം 2010ല് പൂര്ത്തിയായി. കൊട്ടാരങ്ങളുടേത് പോലുള്ള പ്രവേശന കവാടവും ആറ് നിലകളില് കാര് പാര്ക്കിംഗ് സൗകര്യവും വലിയ സല്ക്കാരമുറികളും വിനോദത്തിന് മാത്രമായി നിരവധി മുറികളും ചേര്ന്ന അന്റീലിയ വിസ്മയങ്ങളുടെ കൂടാരമാണ്. രണ്ട് നിലകളിലായുള്ള റിക്രിയേഷന് സെന്റാണ് അന്റീലിയയുടെ മറ്റൊരു പ്രത്യേകത. ഇവിടെ ഒരു യോഗ സെന്റര്, ഡാന്സ് സ്റ്റുഡിയോ, ഹെല്ത്ത് സ്പാ, സ്വിമ്മിംഗ് പൂളുകള് എന്നിവ ഒരുക്കിയിരിക്കുന്നു.
ലോകത്തിലെ മൂല്യമേറിയ രണ്ടാമത്തെ വീട്
അന്റീലിയയ്ക്ക് മുമ്പ് മുംബൈയില് തന്നെയുള്ള സീ വിന്ഡിലായിരുന്നു മുകേഷ് അംബാനിയും കുടുംബവും താമസിച്ചിരുന്നത്. 14 നിലകളുള്ള, മുംബൈയിലെ ഏറ്റവും വിലയുള്ള ഈ കെട്ടിടം മുകേഷ് അംബാനിയും സഹോദരന് അനില് അംബാനിയും ചേര്ന്നാണ് വാങ്ങിച്ചത്. ഇരുവരും ഇവിടെ കുടുംബസമേതം താമസിക്കുകയും ചെയ്തിട്ടുണ്ട്. ഇപ്പോഴും അനില് അംബാനിയും കുടുംബവും ഇവിടെയാണ് താമസിക്കുന്നത്. ബെക്കിംഗ്ഹാം കൊട്ടാരം കഴിഞ്ഞാല് ലോകത്തിലെ ഏറ്റവും വിലയേറിയ വീടാണ് മുകേഷ് അംബാനിയുടെയും നിത അംബാനിയുടെയും അന്റീലിയ.
അന്റീലിയയുടെ മൂല്യം
4,532 ചതുരശ്ര മീറ്ററിലാണ് അന്റീലിയ സ്ഥിതി ചെയ്യുന്നത്. ഫോബ്സില് നിന്നുള്ള വിവരം അനുസരിച്ച് 1-2 ശതകോടി ഡോളര് മതിപ്പാണ് ഈ വീടിന് കണക്കാക്കപ്പെടുന്നത്. അതായത് 6,000-12,000 കോടി രൂപ. വീട്ടിനുള്ളില് അങ്ങോട്ടുമിങ്ങോട്ടും സഞ്ചരിക്കാന് 9 എലിവേറ്ററുകളാണ് ഉള്ളത്.
