സിഡ്നി : ഓസ്ട്രേലിയയിൽ ഇന്ത്യൻ കോൺസുലേറ്റിന് നേരെ ആക്രമണം അഴിച്ചുവിട്ട് ഖാലിസ്ഥാൻ ഭീകരർ. ബ്രിസ്ബേനിലുള്ള കോൺസുലേറ്റിന് നേരെയാണ് ആക്രമണം നടത്തിയത്. തുടർന്ന് അവിടെ ഖാലിസ്ഥാൻ പതാക ഉയർത്തി.
കഴിഞ്ഞ 21 ന് ക്വീൻസ് ലാന്റിലാണ് സംഭവം. അടുത്ത ദിവസം ബ്രിസ്ബേനിലെ ഇന്ത്യൻ കോൺസൽ അർച്ചന സിംഗ് എത്തിയപ്പോൾ, തന്റെ ഓഫീസിൽ ഖാലിസ്ഥാൻ പതാക ഉയർന്നതായി അവർ കണ്ടെത്തി . പെട്ടെന്നുതന്നെ അവർ ക്വീൻസ് ലാൻഡ് പോലീസിനെ അറിയിച്ചു. തുടർന്ന് പോലീസ് എത്തി പതാക താഴ്ത്തിയ ശേഷം കോൺസുലേറ്റ് പരിശോധിച്ചു.
Within days of the Indian foreign minister's high-profile visit to Australia, a video is goes viral on social media with the "Khalistan" Flag raised at Indian Consulate in Brisbane.#KhalistanReferendum #Khalistan pic.twitter.com/bj01EtY1LK
— World Times (@WorldTimesWT) February 23, 2023
സംഭവത്തിന് പോലീസ് പ്രദേശത്ത് നിരീക്ഷണം നടത്തിവരികയാണ്. മെൽബണിൽ സംഭവിച്ചത് ആവർത്തിക്കാതിരിക്കാൻ ഇന്ത്യൻ ഓസ്ട്രേലിയൻ സമൂഹം ഒന്നിച്ചു പ്രവർത്തിക്കുമെന്നും അർച്ചന സിംഗ് പറഞ്ഞു.
ഇതുവരെ ഇന്ത്യൻ വംശജരായ ഓസ്ട്രേലിയക്കാർക്കെതിരെയാണ് ആക്രമണങ്ങൾ നടന്നിരുന്നത്. എന്നാൽ ഇപ്പോൾ ഖാലിസ്ഥാൻ അനുകൂലികൾ ഇന്ത്യൻ സർക്കാരിന്റെ സ്ഥാപനങ്ങൾ ലക്ഷ്യമിടുകയാണ്. ബ്രിസ്ബേനിലെ ഇന്ത്യൻ കോൺസുലേറ്റിന് നേരെയുണ്ടായ ആക്രമണം ഇന്ത്യൻ സർക്കാരിനോടുള്ള വെല്ലുവിളിയാണെന്നും ഓസ്ട്രേലിയ ടുഡേ എഡിറ്റർ ജെ ഭരദ്വാജ് പറഞ്ഞു. ആക്രമണം നടത്തിയതിന്റെ ദൃശ്യങ്ങൾ ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നുണ്ട്.
Discussion about this post