തിരുവനന്തപുരം : വനവാസികൾക്കെതിരെ നടക്കുന്ന അതിക്രമങ്ങളെ നിസാരവത്ക്കരിച്ച് ദേവസ്വം മന്ത്രി കെ രാധാകൃഷ്ണൻ. ചില ഒറ്റപ്പെട്ട സംഭവങ്ങൾ സംസ്ഥാനത്ത് ഉണ്ടാകുന്നുണ്ടെന്ന് വയനാട്ടിലെ വനവാസി യുവാവായ വിശ്വനാഥന്റെ മരണം ചൂണ്ടിക്കാണിച്ച് കെ. രാധാകൃഷ്ണൻ നിയമസഭയിൽ പറഞ്ഞു. യുവാവിന്റെ മരണ ഗൗരവത്തോടെ കാണുന്നുണ്ടെന്നും കേസിന്റെ അന്വേഷണം കാര്യക്ഷമമാണെന്നും മന്ത്രി പറഞ്ഞു.
”സംസ്ഥാനത്ത് പൊതുവേ പട്ടികവർഗ വിഭാഗക്കാർ ആൾക്കൂട്ട ആക്രമണങ്ങൾക്കും അധിക്ഷേപങ്ങൾക്കും ഇരയാകുന്നില്ല” എന്നാണ് കെ രാധാകൃഷ്ണൻ പറഞ്ഞത്. എന്നാൽ ഒറ്റപ്പെട്ട സംഭവങ്ങൾ നടക്കുന്നുണ്ട്. സർക്കാർ അത് ഗൗരവത്തോടെ കാണുകയും കർശന നടപടി സ്വീകരിക്കുകയും ചെയ്യുന്നുണ്ടെന്ന് മന്ത്രി അവകാശപ്പെട്ടു.
വയനാട് സ്വദേശിയായ വനവാസി യുവാവ് ജീവനൊടുക്കിയ സംഭവത്തിൽ കോഴിക്കോട് മെഡിക്കൽ കോളേജ് സ്റ്റേഷനിൽ കേസ് രജിസ്റ്റർ ചെയ്ത് സ്പെഷ്യൽ ടീം രൂപീകരിച്ച് അന്വേഷണം നടത്തിവരികയാണ്. കേസിൽ നേരിട്ട് മേൽനോട്ടം വഹിക്കാൻ കോഴിക്കോട് സിറ്റി പോലീസ് മേധാവിക്ക് നിർദേശം നൽകിയിട്ടുണ്ടെന്നും മന്ത്രി നിയമസഭയിൽ പറഞ്ഞു. മധുകേസിൽ സാക്ഷികളുടെ കൂറുമാറ്റം വിചാരണയെ ബാധിക്കാതെ നോക്കുന്നുണ്ടെന്നും മന്ത്രി കൂട്ടിച്ചേർത്തു.
Discussion about this post