കൊച്ചി : ബ്രഹ്മപുരം മാലിന്യ ശേഖരം ഉണ്ടാക്കിയതും കത്തിച്ചതും കൊച്ചിയിലെ മാലിന്യ മാഫിയ ആണെന്ന് കാലടി ശ്രീശങ്കര സർവകലാശാല മുൻ വൈസ് ചാൻസിലർ ഡോ. എം.സി ദിലീപ് കുമാർ. കൊച്ചി നിവാസികളെയും പരിസരവാസികളെയും തീരാദുരിതത്തിലാക്കി മാറ്റിയത് കോർപറേഷൻ ദുർഭരണമാണ്. ഞങ്ങൾക്കും ജീവിക്കണം എന്ന് ആവശ്യപ്പെട്ടു നടന്ന ജനകീയ സമിതിയുടെ 24 മണിക്കൂർ ഉപവാസത്തിന്റെ സമാപന ചടങ്ങിൽ മുഖ്യപ്രഭാഷണം നടത്തുകയായിരുന്നു അദ്ദേഹം.
മാലിന്യ ജലവും കത്തിയ പ്ലാസ്റ്റിക് വിഷജലവും കടമ്പ്രയാറിനെ മലിനമാക്കി കഴിഞ്ഞു. അതേ ജലമാണ് പെരിയാറിലൂടെ കുടിവെള്ളമായി ഇനി നൽകാൻ പോകുന്നതെന്നും ദിലീപ് കുമാർ പറഞ്ഞു. കോർപ്പറേഷൻ ഭരണം കുത്തഴിഞ്ഞു. ജനങ്ങളോട് ആർക്കും ബാധ്യതയില്ല. കളക്ടറുടെ നേതൃത്വത്തിൽ നടന്ന സുപ്രധാന യോഗത്തിൽ മലിനീകരണ നിയന്ത്രണ ബോർഡ് ഉദ്യോഗസ്ഥരും കോർപ്പറേഷൻ ഉദ്യോഗസ്ഥരും ആരോ പഠിപ്പിച്ചു വിട്ടപ്പോലെ അബദ്ധങ്ങളും പച്ചനുണയും പറയുകയാണ്. മാരകമായ വിഷപ്പുക കാറ്റടിച്ചു നീങ്ങി പോയി എന്ന ആന മണ്ടത്തരം അമ്പരപ്പോടെയാണ് കേട്ടതെന്നും അദ്ദേഹം പരിഹസിച്ചു.
ഉപവാസസമരത്തിന് നേതൃത്വം നൽകിയ ജനകീയ സമിതി ചെയർമാൻ ഇ.എൻ. നന്ദകുമാറിന് നാരങ്ങ നീര് നൽകിയാണ് ദിലീപ് കുമാർ ഉപവാസം അവസാനിച്ചതായി പ്രഖ്യാപിച്ചത്. സമാപന പരിപാടിയിൽ ഡോ.ജയപ്രകാശ് ശർമ (പ്രിൻസിപ്പാൾ തൃശൂർ കലാപീഠം), ഏലൂർ ഗോപിനാഥ്, പ്രമുഖ ഗാന്ധിയൻ അഡ്വ. രാജീവ് കേശവപിള്ള, അഡ്വ.മൈക്കിൾ (ഗാന്ധി ഫൌണ്ടേഷൻ) രാജേഷ് ചന്ദ്രൻ (അന്താരാഷ്ട്ര പുസ്തകോത്സവ സമിതി), അഡ്വ.ഡോ. എം.സി.രാജേന്ദ്രകുമാർ(അഭിഭാഷക പരിഷത്) ,ക്യാപ്റ്റൻ സുന്ദരം(ഹിന്ദു ഐക്യവേദി) എന്നിവർ സംസാരിച്ചു.
ഇരുപത്തിനാല് മണിക്കൂർ നീണ്ടു നിന്ന ഉപവാസത്തിൽ പ്രമുഖ ചിന്തകനും രാഷ്ട്രീയനിരീക്ഷകനുമായ ടി.ജി മോഹൻദാസ്, നടനും ഹാസ്യതാരവുമായ സാജൻ പള്ളുരുത്തി, ചെല്ലാനം ആൻറോജി, പരിസ്ഥിതി സംരക്ഷണ സമിതി സംസ്ഥാന സംയോജകൻ ടി.എസ്.നാരായണൻ, പ്രമുഖ പരിസ്ഥിതി പ്രവർത്തകരായ ശ്രീമൻ നാരായണൻ, ഡോ.സി.എം.ജോയ്, കെ.എസ്.പ്രകാശ്, അജാമളൻ പള്ളുരുത്തി, സുരേഷ് വനമിത്ര, ആനന്ദ് പള്ളൂരുത്തി, ശ്രീകുമാർ അമൃതഭാരതി, സരസൻ എടവനക്കാട്, പ്രഫ. വി.എ വർഗ്ഗീസ് മലയാള കാവ്യസാഹിതി-തൃശൂർ, പ്രഫ.വി.പി.ജോൺ തൃശൂർ സഹൃദയവേദി, ബേബ് മൂക്കൻ തൃശൂർ സഹൃദയ വേദി, അഡ്വ.ടി.പി.സിന്ധുമോൾ, എസ്.സഞ്ജയൻ പൂർവ സൈനിക സേവാപരിഷത്, കോർപറേഷൻ കൗൺസിലർ ഹെൻറി ഓസ്റ്റിൻ, എസ്.സജി ബിജെപി, മലയാള കാവ്യസാഹിതി സംസ്ഥാന കോർഡിനേറ്റർ കാവാലം അനിൽ, ജോസ് ക്രിസ്റ്റഫർ സേവ്യർ എന്നിവർ ഉപവാസത്തിന് നേതൃത്വം നൽകി പ്രമുഖ വിഷയങ്ങൾ അവതരിപ്പിച്ചു.
Discussion about this post