ന്യൂഡൽഹി: കേന്ദ്രസെക്രട്ടറിമാർക്ക് ഡൽഹിയിലെ കേരള ഹൗസിൽ വിരുന്നൊരുക്കി മുഖ്യമന്ത്രി പിണറായി വിജയൻ. ഇന്ന് വൈകിട്ടാണ് വിരുന്ന് ഒരുക്കിയിരിക്കുന്നത്. കേരള കേഡറിലേത് അടക്കം മുതിർന്ന 47 സെക്രട്ടറിമാരെ വിരുന്നിലേക്ക് ക്ഷണിച്ചിട്ടുണ്ട്. കേന്ദ്രവും സംസ്ഥാനവും തമ്മിലുള്ള ബന്ധം മെച്ചപ്പെടുത്തുന്നതിന്റെ ഭാഗമായിട്ടാണ് നടപടിയെന്നാണ് ഉദ്യോഗസ്ഥർ പറയുന്നത്.
ഉപരാഷ്ട്രപതി ജഗ്ദീപ് ധൻകറുമായും മുഖ്യമന്ത്രി കൂടിക്കാഴ്ച നടത്തി. ഇന്ന് രാവിലെയാണ് മുഖ്യമന്ത്രി പിണറായി വിജയനും ചീഫ് സെക്രട്ടറി വി.പി.ജോയിയും ഉപരാഷ്ട്രപതിയുമായി കൂടിക്കാഴ്ച നടത്തിയത്. മൗലാനാ റോഡിലുള്ള ഉപരാഷ്ട്രപതിയുടെ ഔദ്യോഗിക വസതിയിൽ വച്ചായിരുന്നു കൂടിക്കാഴ്ച. വിവിധ കേന്ദ്രമന്ത്രിമാരുമായുള്ള കൂടിക്കാഴ്ചയ്ക്കും മുഖ്യമന്ത്രി ശ്രമിക്കുന്നുണ്ടെന്നാണ് വിവരം.
കെ.വി.തോമസ് സർക്കാരിന്റെ പ്രത്യേക പ്രതിനിധിയായി ഡൽഹിയിലെത്തിയത് അടുത്തിടെയാണ്. ഇതിന് ശേഷമാണ് കേന്ദ്രസെക്രട്ടറിമാർക്ക് വിരുന്നും, ഉപരാഷ്ട്രപതിയുമായുള്ള കൂടിക്കാഴ്ചയുമെല്ലാം സംഘടിപ്പിക്കാനുള്ള തീരുമാനം. നാളെ പിബി യോഗത്തിലടക്കം പങ്കെടുക്കുന്നതിന് വേണ്ടിയാണ് മുഖ്യമന്ത്രി ഡൽഹിയിലെത്തിയത്.
Discussion about this post