ന്യൂഡൽഹി : ഇന്ത്യയുടെ കയറ്റുമതി 750 ബില്യൺ ഡോളർ കടന്നതിനെ പ്രശംസിച്ച് പ്രധാനമന്ത്രി നരേന്ദ്ര മോദി. രാജ്യത്തെ ആത്മനിർഭർ ആകുന്നതിന്റെ നിർണായക ചുവടുവെയ്പ്പാണ് ഇതെന്ന് അദ്ദേഹം പറഞ്ഞു. നടപ്പ് സാമ്പത്തിക വർഷത്തിൽ രാജ്യത്തിന്റെ ചരക്കുകളുടെ കയറ്റുമതി 760 ബില്യൺ ഡോളർ കവിയുമെന്നാണ് കണക്കാക്കപ്പെടുന്നതെന്ന് കേന്ദ്ര മന്ത്രി പിയൂഷ് ഗോയൽ പ്രഖ്യാപിച്ചിരുന്നു. ഇതിനോട് പ്രതികരിക്കുകയായിരുന്നു പ്രധാനമന്ത്രി.
”സ്വാതന്ത്ര്യത്തിന്റെ 75-ാം വർഷത്തിൽ ഇന്ത്യ 750 ബില്യൺ യുഎസ് ഡോളറിന്റെ കയറ്റുമതി നടത്തിയെന്ന് വളരെ അഭിമാനത്തോടെയും സന്തോഷത്തോടെയും നന്ദിയോടെയും എനിക്ക് പറയാൻ സാധിക്കും. ഈ സാമ്പത്തിക വർഷത്തിന്റെ അവസാനത്തോടെ ആകെ കയറ്റുമതി 760 ബില്യൺ ഡോളർ ആകുമെന്ന് പ്രതീക്ഷിക്കാം” അദ്ദേഹം വ്യക്തമാക്കി.
രാജ്യത്തിന്റെ ഈ നേട്ടത്തിൽ ജനങ്ങളെ അഭിനന്ദിക്കുന്നു. ഇത് വരും വർഷങ്ങളിൽ രാജ്യത്തെ ആത്മനിർഭർ ആക്കുമെന്നും അദ്ദേഹം കൂട്ടിത്തേർത്തു.
