ഖുശ്ബു സുന്ദർ ആശുപത്രിയിൽ; ചെറിയ തളർച്ചയെ പോലും അവഗണിക്കരുതെന്ന് താരം

ഹൈദരാബാദ്; ബിജെപി നേതാവും ദേശീയ വനിതാ കമ്മീഷൻ അദ്ധ്യക്ഷയുമായി ഖുശ്ബുവിനെ ആശുപത്രിയിൽ പ്രവേശിപ്പിച്ചു. ഹൈദരാബാദിലെ അപ്പോളോ ആശുപത്രിയിലാണ് താരത്തെ പ്രവേശിപ്പിച്ചത്. കടുത്ത പനിയെ തുടർന്നാണ് ചികിത്സ തേടിയത്.

സോഷ്യൽ മീഡിയയിലൂടെ നടി തന്നെയാണ് താൻ ആശുപത്രിയിൽ പ്രവേശിപ്പിക്കപ്പെട്ട വിവരം പറഞ്ഞത്. പനി അധികമായി. അത് എന്നെ ബാധിച്ചു. കടുത്ത പനിയും ശരീരവേദനയും തളർച്ചയും കാരണം ആശുപത്രിയിലായി. അപ്പോളോ ഹൈദരാബാദിലാണ് ഉള്ളത്.ശരീരം എന്തെങ്കിലും തളർച്ച കാണിക്കുന്ന സമയത്ത് അത് അവഗണിക്കരുതെന്നും. താൻ ഇപ്പോൾ സുഖപ്പെടുന്ന അവസ്ഥയിലാണെന്നും  ഖുശ്ബു പറയുന്നു.

Like I was saying, the flu is bad. It has taken its toll on me. Admitted for very high fever, killing body ache and weakness. Fortunately, in good hands at @Apollohyderabad
Pls do not ignore signs when your body says slow down. On the road to recovery, but long way to go. pic.twitter.com/FtwnS74pko

— KhushbuSundar (Modi ka Parivaar) (@khushsundar) April 7, 2023

അടുത്തിടെ തന്റെ പിതാവിനെ കുറിച്ചുള്ള താരത്തിന്റെ തുറന്നുപറച്ചിൽ ഏറെ ചർച്ചായായിരുന്നു. എട്ടാം വയസ് മുതൽ തന്നെ പിതാവ് ലൈംഗികമായി ചൂഷമം ചെയ്തിരുന്നുവെന്നായിരുന്നു താരം വെളിപ്പെടുത്തിയത്. പിതാവ് തന്നെ ലൈംഗികമായി ചൂഷണം ചെയ്തുവെന്ന കാര്യം സത്യസന്ധതമായി പറഞ്ഞതാണെന്നും. ഈ സംഭവം പുറത്തുവന്നതിൽ തനിക്കൊരു നാണക്കേടും തോന്നുന്നില്ലെന്നുമാണ്  ഖുശ്ബു പിന്നീട് സംഭവത്തെക്കുറിച്ച് വിശദീകരിച്ചത്.