ലക്നൗ: ഉത്തർപ്രദേശിലേക്ക് വരാൻ പോലും ഭയന്ന് ജയിലിൽ കഴിയുന്ന കൊടും കുറ്റവാളി അതീഖ് അഹമ്മദ്. തനിക്ക് അഹമ്മദാബാദിലെ ജയിലിൽ കഴിഞ്ഞാൽ മതിയെന്നാണ് ഇയാൾ പറയുന്നത്. പോലീസിനെ ഭയമാണെന്നും അതീഖ് അഹമ്മദ് പറയുന്നു.
ഉപേഷ് പാലിന്റെ കൊലപാതക കേസുമായി ബന്ധപ്പെട്ട് ചോദ്യം ചെയ്യലിനായി അതീഖ് അഹമ്മദിനെ കസ്റ്റഡിയിൽ എടുത്ത് ചോദ്യം ചെയ്യാൻ പ്രയാഗ്രാജ് കോടതി അനുമതി നൽകിയിരുന്നു. ഇതിന് പിന്നാലെ ഇക്കാര്യം പോലീസ് അതീഖ് അഹമ്മദിനെ അറിയിച്ചു. ഇതോടെയാണ് അതീഖ് അഹമ്മദിന് ഭയം ആരംഭിച്ചത്. ഇത് ശരിയല്ലെന്നാണ് അതീഖ് അഹമ്മദ് പറയുന്നത്.
അടുത്തിടെ ഉമേഷ് പാലിനെ തട്ടിക്കൊണ്ട് പോയ കേസിൽ വിധി കേൾക്കുന്നതിനായി അതീഖ് അഹമ്മദിനെ സബർമതി ജയിലിൽ നിന്നും പ്രയാഗ്രാജിലേക്ക് കൊണ്ടുവന്നിരുന്നു. അന്നും ഭയന്ന് വിറച്ചായിരുന്നു അതീഖ് അഹമ്മദ് പോലീസുകാർക്കൊപ്പം കഴിഞ്ഞിരുന്നത്.
കേസിൽ ജീവപര്യന്തം തടവും, ഒരു ലക്ഷം രൂപ പിഴയുമായിരുന്നു അതീഖിന് വിധിച്ചിരുന്നത്. വിധി കേട്ട് തിരികെ മടങ്ങുന്നതിനിടെ ഇവർ സഞ്ചരിച്ച പോലീസ് വാഹനം അപകടത്തിൽപ്പെട്ടിരുന്നു. ഇതും അതീഖ് അഹമ്മദിൽ വലിയ ഭയമുണ്ടാക്കി. അടുത്തിടെ പോലീസ് വാഹനം അപകടത്തിൽപ്പെട്ട് നിരവധി കൊടും ക്രിമിനലുകളാണ് മരിച്ചിരിക്കുന്നത്.
Discussion about this post