ഔദ്യോഗിക വസതി ഒഴിയുന്ന രാഹുൽ ഇനി താമസിക്കുക സോണിയക്കൊപ്പം; സാധനങ്ങളുമായി ട്രക്കുകൾ 10 ജൻപഥിൽ

ന്യൂഡൽഹി: അപകീർത്തി കേസിൽ ശിക്ഷിക്കപ്പെട്ടതിനെ തുടർന്ന് എം പി സ്ഥാനം നഷ്ടമായ കോൺഗ്രസ് നേതാവ് രാഹുൽ ഗാന്ധി ഔദ്യോഗിക വസതി ഒഴിയുന്നു. വസതി ഒഴിയുന്നതിന്റെ ഭാഗമായി ഡല്‍ഹി തുഗ്ലക് ലെയ്‌നിലുള്ള വസതിയില്‍ നിന്ന് രാഹുലിന്റെ സാധനങ്ങള്‍ മാറ്റി തുടങ്ങി. ഔദ്യോഗിക വസതി ഒഴിയുന്ന രാഹുൽ തത്കാലം അമ്മ സോണിയക്കൊപ്പം താമസിക്കും എന്നാണ് റിപ്പോർട്ട്.

എം പി സ്ഥാനം നഷ്ടമായതോടെ, ഏപ്രില്‍ 22-നു മുമ്പ് ഔദ്യോഗിക വസതിയൊഴിയണമെന്ന് രാഹുലിന് നോട്ടീസ് ലഭിച്ചിരുന്നു. ഇതിൻ പ്രകാരമാണ് രാഹുൽ വസതി ഒഴിയുന്നത്. രാഹുലിന്റെ വീട്ടുസാധനങ്ങളുമായി ട്രക്കുകൾ ജൻപഥിലെ സോണിയ ഗാന്ധിയുടെ വീട്ടിലെത്തി.

മാർച്ച് 23നായിരുന്നു കോടതി വിധിയെ തുടർന്ന് രാഹുൽ എം പി സ്ഥാനത്ത് നിന്നും അയോഗ്യനായത്. വീടൊഴിയാനുള്ള നോട്ടീസ് കാലാവധി ഏപ്രിൽ 22ന് അവസാനിക്കാനിരിക്കെയാണ് രാഹുൽ സാധനങ്ങൾ മാറ്റുന്നത്.

#WATCH | Trucks from Congress leader Rahul Gandhi's 12 Tughlak Lane bungalow leave for his mother and UPA chairperson, MP Sonia Gandhi's residence at 10 Janpath.

He is vacating his residence after being disqualified as Lok Sabha MP. pic.twitter.com/t4gANaLaRm

— ANI (@ANI) April 14, 2023