ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 7178 പേർക്ക് കൊറോണ സ്ഥിരീകരിച്ചു. സജീവ രോഗികളുടെ എണ്ണം 69 ദിവസത്തിന് ശേഷം കുറവ് രേഖപ്പെടുത്തിയിരിക്കുകയാണെന്ന് കേന്ദ്ര ആരോഗ്യ മന്ത്രാലയം അറിയിച്ചു. 16 മരണമാണ് ഇന്നലെ സ്ഥിരീകരിച്ചത്. ഇതോടെ ആകെ മരണസംഖ്യ 5,31,345 ആയി ഉയർന്നു. ഇന്നലെ രേഖപ്പെടുത്തിയതിൽ എട്ട് മരണങ്ങളും കേരളത്തിലാണ് സ്ഥിരീകരിച്ചത്.
സജീവ കേസുകളുടെ എണ്ണം 65,683 ആണ്. 9.16 ശതമാനമാണ് പ്രതിദിന പോസിറ്റിവിറ്റി നിരക്ക്. 5.41 ശതമാനമാണ് പ്രതിവാര പോസിറ്റിവിറ്റി നിരക്ക്. 98.67 ശതമാനമാണ് രോഗമുക്തി നിരക്ക്. 1.18 ശതമാനമാണ് മരണനിരക്ക്. കഴിഞ്ഞ ദിവസം പതിനായിരത്തിലധികമായിരുന്നു രോഗികളുടെ എണ്ണം. സജീവ കേസുകളുടെ എണ്ണത്തിലും വർദ്ധനവ് ഉണ്ടായിരുന്നു.
Discussion about this post