ഇസ്ലാമാബാദ്: മുൻ പ്രധാനമന്ത്രി ഇമ്രാൻ ഖാനെ പ്രവാചകനോട് ഉപമിച്ച യുവാവിനെ പാകിസ്താനിൽ തല്ലിക്കൊന്നു. പ്രവാചക നിന്ദ ആരോപിച്ചായിരുന്നു ആക്രമണം. 40 കാരനായ മൗലാന നിഗർ അലം ആണ് കൊല്ലപ്പെട്ടത്.
ഖൈബർ പക്തുൻഖ്വയിലെ മർദാനിൽ കഴിഞ്ഞ ദിവസമായിരുന്നു സംഭവം. ശനിയാഴ്ച തെഹ്‌രീഖ് ഇ ഇൻസാഫിന്റെ റാലി നടന്നിരുന്നു. ഇതിൽ പങ്കെടുക്കുന്നതിനിടെയായിരുന്നു നിഗർ അലമിന്റെ പരാമർശം. ഉടനെ അവിടെയുണ്ടായിരുന്ന സംഘം നിഗർ അലമിനെ മർദ്ദിക്കുകയായിരുന്നു. അവിടെയുണ്ടായിരുന്നവരിൽ ചിലരാണ് സംഭവം പോലീസിനെ അറിയിച്ചത്. പോലീസ് എത്തി നഗർ അലമിനെ ആശുപത്രിയിൽ എത്തിച്ചെങ്കിലും മരിച്ചിരുന്നു.
അതേസമയം സംഭവത്തിന്റെ ദൃശ്യങ്ങൾ സമൂഹമാദ്ധ്യമത്തിൽ വ്യാപകമായി പ്രചരിക്കുന്നുണ്ട്. സംഭവത്തിൽ നടപടി വേണമെന്ന് ആവശ്യപ്പെട്ട് പാകിസ്താൻ മനുഷ്യാവകാശ സംഘടന രംഗത്ത് എത്തി.
