ആത്മീയുടെ കേന്ദ്രസ്ഥാനമായാണ് ലോകം ഇന്ത്യയെ കണക്കാക്കുന്നത്. പ്രാധാന്യമേറിയ നിരവധി പുരാതന ക്ഷേത്രങ്ങൾ ഇവിടെയുണ്ട്. ചില ക്ഷേത്രങ്ങളാവട്ടെ ഏറെ നിഗൂഢത നിറഞ്ഞതും, അത്ഭുതകരവുമാണ്. ദൈവീകമായ അത്ഭുതങ്ങളെ കുറിച്ച് ഒരു ശാസ്ത്രത്തിനും ഇതുവരെ ഒന്നും കണ്ടെത്തനായിട്ടുമില്ല.
മാകാമാഖ്യ ക്ഷേത്രം
അസമിന്റെ തലസ്ഥാനമായ ഗുവാഹത്തിയിലാണ് മാ കാമാഖ്യ ദേവി ക്ഷേത്രം സ്ഥിതി ചെയ്യുന്നത്. മാ ഭഗവതിയുടെ 51 ശക്തിപീഠങ്ങളിൽ ഒന്നാണിത്. എന്നാൽ ദേവിയുടെ വിഗ്രഹം ഇവിടെ ഇല്ല. പുരാണങ്ങൾ അനുസരിച്ച്, മഹാവിഷ്ണു തന്റെ സുദർശന ചക്രത്താൽ മുറിവേറ്റ സതിദേവിയുടെ ശരീരഭാഗം പതിച്ച പുണ്യഭൂമിയാണ് കാമാഖ്യ. സതി ദേവിയുടെ ഭാഗങ്ങൾ എവിടെ വീണുവോ ആ സ്ഥലത്തെ ശക്തിപീഠം എന്നാണ് വിളിക്കുന്നത്. ഇക്കാരണത്താലാണ് കാമാഖ്യയും 51 ശക്തിപീഠങ്ങളിലൊന്നായി അറിയപ്പെടുന്നത്. ദേവിയുടെ യോനിഭാഗമാണ് ഇവിടെ ആരാധിക്കുന്നത്.
ജ്വാലാമുഖി
ഹിമാചലിലെ കാളിധർ മലയുടെ മധ്യത്തിലാണ് ജ്വാലാദേവിയുടെ ക്ഷേത്രമായ ജ്വാലാമുഖി ക്ഷേത്രം സ്ഥിതി ചെയ്യുന്നത്. ഇവിടെ മാ ഭഗവതിയുടെ നാവ് മുറിഞ്ഞു വീണു എന്നാണ് സങ്കല്പം. ഒൻപത് നിറങ്ങളുള്ളതാണ് ഇവിടത്തെ അഗ്നിജ്വാല. ക്ഷേത്രത്തിൽ നിന്ന് പുറപ്പെടുന്ന അഗ്നിജ്വാല എവിടെ നിന്നാണ് പുറപ്പെടുന്നതെന്ന് ആർക്കും അറിയില്ല.
കർണിമാത
രാജസ്ഥാനിലെ ബിക്കാനീറിലാണ് കർണി മാതാ ക്ഷേത്രം ക്ഷേത്രം സ്ഥിതി ചെയ്യുന്നത്. ഈ ക്ഷേത്രം എലികളുടെ ക്ഷേത്രം എന്നും അറിയപ്പെടുന്നു. ഏകദേശം 25,000,00 എലികൾ ഇവിടെയുണ്ടെന്നാണ് കണക്കുകൾ. ക്ഷേത്രത്തിലെത്തി വെളുത്ത എലിയെ കാണുന്നവർക്ക് അവരുടെ ആഗ്രഹങ്ങളെല്ലാം സഫലമാകുമെന്നാണ് വിശ്വാസം. ക്ഷേത്രത്തിലെ എലികൾ ആരെയും ഉപദ്രവിക്കാറില്ല എന്നതാണ് ഈ ക്ഷേത്രത്തിന്റെ മറ്റൊരു പ്രത്യേകത.
മെഹ്ദിപൂർ ബാലാജി
മെഹ്ദിപൂർ ബാലാജി ക്ഷേത്രം രാജസ്ഥാനിലാണ് സ്ഥിതി ചെയ്യുന്നത്. ഹനുമാൻ സ്വാമിയുടെ 10 പ്രധാന സിദ്ധപീഠങ്ങളാണ് ഇവിടെ ആരാധിക്കുന്നത്. ഹനുമാൻ ഉണർന്നിരിക്കുന്നതായാണ് ഇവിടെ സങ്കല്പം. ദുരാത്മാവ് ബാധിച്ചവരുടെ ആത്മാക്കൾ ഇവിടെ വന്നതിന് ശേഷം അവരുടെ ശരീരം ഉപേക്ഷിക്കുന്നതായി പറയപ്പെടുന്നു.
കാലഭൈരവൻ
ഉജ്ജയിനിലാണ് കാലഭൈരവ ക്ഷേത്രം ഇവിടെ കാലഭൈരവന് മദ്യമാണ് പൂജാദ്രവ്യമായി സമർപ്പിക്കുന്നത്. ഭർവ്വന്റെ മുഖത്ത് ഒരു കപ്പ് വീഞ്ഞ് വച്ചാൽ അത് നിമിഷനേരം കൊണ്ട് അപ്രത്യക്ഷമാകും എന്നതാണ് ഈ ക്ഷേത്രത്തിന്റെ പ്രത്യേകത. നാളിതുവരെ ആർക്കും എവിടേയ്ക്ക് അപ്രത്യക്ഷമാകുന്നുവെന്ന് കണ്ടെത്താനായിട്ടില്ല.
Discussion about this post