കാസർകോട് : കാസർകോട് 18 ലക്ഷത്തിന്റെ കുഴൽപ്പണവുമായി ഉസ്താദ് അറസ്റ്റിൽ. കാഞ്ഞങ്ങാട് ഒഴിഞ്ഞവളപ്പ് സ്വദേശി കെ കെ ഇർഷാദ്( 33)ആണ് പോലീസ് പിടിയിലായത്. നീലേശ്വരം മാർക്കറ്റിൽ നടന്ന വാഹന പരിശോധനയ്ക്കിടെയാണ് ഉസ്താദ് കുടുങ്ങിയത്. ഇയാൾ സഞ്ചരിച്ച സ്കൂട്ടറും പോലീസ് പിച്ചെടുത്തു.
രഹസ്യവിവരത്തെ തുടർന്ന് നടത്തിയ പരിശോധനയിൽ സ്കൂട്ടറിന്റെ സീറ്റിനടിയിൽ നോട്ടുകെട്ടുകൾ അടുക്കി വെച്ച നിലയിൽ കണ്ടെത്തുകയായിരുന്നു. 18.5 ലക്ഷം രൂപയാണ് രേഖകളില്ലാതെ കടത്താൻ ശ്രമിച്ചത്.
പ്രതിയെയും പിടികൂടിയ പണവും നീലേശ്വരം പോലീസ് സ്റ്റേഷനിൽ എത്തിച്ചു. ജില്ലാ പോലീസ് മേധാവിയുടെ നേതൃത്വത്തിൽ നടപ്പാക്കി വരുന്ന ഓപ്പറേഷൻ കാസർകോടിന്റെ ഭാഗമായി ജില്ലയിൽ കുഴൽപ്പണ-മയക്കുമരുന്ന് പരിശോധനകൾ ശക്തമാക്കി വരികയാണ്.
Discussion about this post