കൊച്ചി: കാട്ടുപോത്ത് ആക്രമണവുമായി ബന്ധപ്പെട്ട് കെസിബിസിയുടെ പ്രസ്താവനയ്‌ക്കെതിരെ വനംമന്ത്രി എ.കെ.ശശീന്ദ്രൻ നടത്തിയ പരാമർശത്തിൽ പ്രതികരണവുമായി കെസിബിസി പ്രസിഡന്റ് കർദിനാൾ മാർ ബസേലിയോസ് ക്ലിമീസ് കാതോലിക്കാ ബാവ. പൊതുവിഷയത്തിൽ സർക്കാരിനോട് ആവശ്യം പറഞ്ഞതിന്റെ പേരിൽ അസ്വസ്ഥത കാണിക്കേണ്ട ആവശ്യമില്ലെന്ന് അദ്ദേഹം പറഞ്ഞു.
” നിരായുധരായ ആളുകൾ എങ്ങനെയാണ് വന്യജീവികളെ നേരിടുന്നത്. ആരും അക്ഷമരാകേണ്ട കാര്യമില്ല. ഭയപ്പെടുത്തി നിശബ്ദരാക്കേണ്ട. കൂട്ടുത്തരവാദിത്തത്തിന്റെ ആവശ്യകത സർക്കാരിനെ ഓർമ്മപ്പെടുത്തുകയാണ്. ചർച്ചകളെക്കാൾ പ്രതിവിധിയാണ് ആവശ്യമെന്നും” കാതോലിക്കാബാവ പറഞ്ഞു.
വന്യജീവികൾ നാട്ടിലിറങ്ങുന്നത് നിയന്ത്രിക്കാൻ ഫലപ്രദമായ നടപടികൾ വേണമെന്നും നിയമനിർമാണം നടത്തേണ്ടത് ആവശ്യമാണെന്നും കഴിഞ്ഞ ദിവസം പറഞ്ഞിരുന്നു. ഇതിനെതിരെ വനംമന്ത്രി രംഗത്തെത്തിയിരുന്നു. മതമേലദ്ധ്യക്ഷന്മാർ പ്രത്യേകിച്ച് കെസിബിസി ഉത്തരവാദിത്തമുള്ളവരാണെന്നുംപക്വതയോടെ കാര്യങ്ങൾ ചെയ്യുന്നവരാണെന്നും എന്നാൽ ഇപ്പോഴത്തെ നിലപാട് പാരമ്പര്യത്തിന് ചേരുന്നതാണോ എന്ന് ആലോചിക്കണമെന്നും പറഞ്ഞിരുന്നു.
Discussion about this post