കഴിഞ്ഞ ദിവസമാണ് പ്രധാനമന്ത്രി ഓസ്ട്രേലിയ സന്ദർശിച്ചത്. അദ്ദേഹത്തിന്റെ സന്ദർശനത്തോടനുബന്ധിച്ച് സിഡ്നിയിലെ പ്രശസ്തമായ ഹാർബർ ബ്രിഡ്ജ് ത്രിവർണ പതാകയുടെ നിറങ്ങളാൽ അലങ്കരിച്ചിരുന്നു. അന്താരാഷ്ട്ര വേദിയിൽ ഇന്ത്യയ്ക്കുള്ള സ്ഥാനത്തിന്റെ പ്രതിഫലനമാണ് ഇത് സൂചിപ്പിക്കുന്നതെന്നാണ് ഒരു പാകിസ്താൻ പൗരൻ പറയുന്നത്. ട്വിറ്ററിലൂടെയാണ് അദ്ദേഹം തന്റെ അഭിപ്രായം പങ്കുവച്ചിരിക്കുന്നത്.
നിലവിലെ സർക്കാർ ആഭ്യന്തര പ്രശ്നങ്ങളും അരാജകത്വവും അവസാനിപ്പിക്കണമെന്നും, ഇന്ത്യയുമായി സ്വയം താരതമ്യം ചെയ്യുന്നത് പാകിസ്താൻ അവസാനിപ്പിക്കണമെന്നും ഇയാൾ പറയുന്നു. പാലത്തിന്റെ പശ്ചാത്തലത്തിലെടുത്ത സ്വന്തം ചിത്രവും ഇദ്ദേഹം പങ്കുവച്ചിട്ടുണ്ട്. ” എന്റെ പിന്നിലുള്ള പതാക നിങ്ങൾക്ക് കാണാനാകുന്നുണ്ടോ? സിഡ്നിയിലെ ലാൻഡ്മാർക്കായ പ്രശസ്തമായ ഹാർബർ ബ്രിഡ്ജിൽ ഇന്ത്യൻ പതാക പ്രതിഫലിക്കുകയാണ്.
അതേ പതാകയുമായിട്ടാണ് പാകിസ്താൻ സ്വയം താരതമ്യം ചെയ്യുന്നത്. അത്തരമൊരു താരതമ്യപ്പെടുത്തൽ തന്നെ അങ്ങേയറ്റം അനാവശ്യമാണ്. നമ്മുടെ സാഹചര്യങ്ങൾ നോക്കൂ, അവർ എവിടെയാണ് നിൽക്കുന്നതെന്ന് നോക്കൂ, ദൈവത്തെയോർത്ത് ഇനിയെങ്കിലും സ്വന്തം രാജ്യത്തെ കുറിച്ച് പാകിസ്താനിലെ നേതാക്കൾ ചിന്തിക്കണം. നിലിവിലെ സർക്കാരിനോടും ഇമ്രാൻ ഖാന്റെ പിടിഐയോടും കൂടിയായാണ് ഇത് പറയുന്നത്.
ഓസ്ട്രേലിയയുടെ പ്രധാനമന്ത്രി നരേന്ദ്രമോദിയെ ബോസ് എന്നാണ് വിളിച്ചത്. ഇന്ത്യയും പാകിസ്താനും തമ്മിൽ താരതമ്യപ്പെടുത്താനാകുന്ന യാതൊരു കാര്യങ്ങളുമില്ലെന്നും” അദ്ദേഹം തന്റെ പോസ്റ്റിൽ പറയുന്നു.
Discussion about this post