ന്യൂഡൽഹി: പുതിയ പാർലമെന്റ് മന്ദിരം പ്രധാനമന്ത്രി നരേന്ദ്രമോദി ഉദ്ഘാടനം ചെയ്യാനിരിക്കെ പാർലമെന്റിന്റെ ദൃശ്യങ്ങൾ പങ്കുവെച്ച് ബോളിവുഡ് സൂപ്പർതാരം ഷാരൂഖ് ഖാൻ. പ്രധാനമന്ത്രി നരേന്ദ്രമോദിയുടെ ആഹ്വാനപ്രകാരം വോയിസ് ഓവർ നൽകിയാണ് ഷാരൂഖ് ഖാൻ വീഡിയോ സമൂഹമാദ്ധ്യമങ്ങളിൽ പങ്കുവച്ചിരിക്കുന്നത്. തന്റെ സ്വദേശ് എന്ന ചിത്രത്തിന്റെ തീം മ്യൂസിക്കാണ് വീഡിയോയ്ക്ക് പശ്ചാത്തലസംഗീതമായി നൽകിയിരിക്കുന്നത്.
‘നമ്മുടെ ഭരണഘടന ഉയർത്തിപ്പിടിക്കുകയും ഈ മഹത്തായ രാഷ്ട്രത്തിലെ ഓരോ പൗരനെയും പ്രതിനിധീകരിക്കുകയും ഒരു ജനതയുടെ വൈവിധ്യം സംരക്ഷിക്കുകയും ചെയ്യുന്ന ജനങ്ങൾക്ക് വേണ്ടിയുള്ളതാണ് പുതിയ പാർലമെന്റ് മന്ദിരം. ഒരു പുതിയ ഇന്ത്യയ്ക്കായി ഒരു പുതിയ പാർലമെന്റ് മന്ദിരം, ഇന്ത്യയുടെ മഹത്വം എന്ന പഴയ സ്വപ്നവുമായി.’-ഷാരൂഖ് ഖാൻ ട്വീറ്റ് ചെയ്തു.
അതേസമയം പാർലമെന്റ് മന്ദിരം പ്രധാനമന്ത്രി നരേന്ദ്രമോദി രാഷ്ട്രത്തിന് സമർപ്പിച്ചു. ഇന്ന് രാവിലയോടെ ആരംഭിച്ച ചടങ്ങുകൾക്ക് അവസാനം നിലവിളക്ക് കൊളുത്തി പ്രധാനമന്ത്രി പാർലമെന്റ് മന്ദിരം ഉദ്ഘാടനം ചെയ്തു. ഔദ്യോഗികമായി സൂചിപ്പിക്കുന്ന ഫലകവും പ്രധാനമന്ത്രി അനാശ്ചാദനം ചെയ്തു.സർവ്വ ധർമ്മ പ്രാർത്ഥനകൾ അടക്കം നടത്തിയതിന് ശേഷമായിരുന്നു ഉദ്ഘാടനചടങ്ങുകൾ നടത്തിയത്.
Discussion about this post