ആകാശത്ത് നിന്ന് ഉച്ചത്തിൽ ശബ്ദം കേട്ടതിന് പിന്നാലെ അസാധാരണമായ ചില രൂപങ്ങളെ നേരിട്ട് കണ്ടുവെന്ന ആരോപണവുമായി കുടുംബം. യുഎസിലെ ലാസ് വെഗാസിലാണ് സംഭവം. കൈയ്യിൽ വലിയ ആയുധങ്ങളുമായി എട്ടടി ഉയരമുളളവരെ കണ്ടുവെന്നാണ് കുടുംബം പറയുന്നത്.
മെയ് 1 നാണ് സംഭവം നടന്നത്. ആകാശത്ത് നിന്ന് പെട്ടെന്ന് ഉച്ചത്തിലുള്ള ശബ്ദം കേട്ടു. പച്ച നിറത്തിലുള്ള പ്രകാശം താഴേയ്ക്ക് അടിക്കുന്നുണ്ടായിരുന്നു. അത് പ്രകൃതിയിൽ വലിയ ആഘാതം സൃഷ്ടിച്ചു. വ്യത്യസ്തമായ ഒരു ഊർജ്ജം അനുഭവപ്പെട്ടുവെന്നാണ് ആളുകൾ പറയുന്നത്. പെട്ടെന്ന് മുന്നിൽ ഒരു രൂപം പ്രത്യക്ഷപ്പെട്ടു, അതിന് എട്ടടിയോളം ഉയരമുണ്ടായിരുന്നു. വലിയ കണ്ണുകളോട് അത് തങ്ങളെ തറപ്പിച്ച് നോക്കി. അതുപോലെ നിരവധി വിചിത്രമായ രൂപങ്ങൾ പുറകിലുണ്ടായിരുന്നു. വലിയ ആയുധങ്ങളുമായാണ് അവർ എത്തിയത്. എന്തായാലും അത് മനുഷ്യരല്ല എന്നത് തീർച്ചയാണെന്നും കുടുംബം പറഞ്ഞു.
കിഴക്കൻ കാലിഫോർണിയ, നെവാഡ, യൂട്ട എന്നിവിടങ്ങളിലെ നിരവധി ആളുകൾ ഈ വെളിച്ചം കണ്ടതായി റിപ്പോർട്ട് ചെയ്യുന്നുണ്ട്. എന്നാൽ, ഈ വീടിന്റെ മുറ്റത്ത് തിരച്ചിൽ നടത്തിയ ഉദ്യോഗസ്ഥർക്ക് ഒന്നും കണ്ടെത്താനായില്ല. ഇതോടെ പോലീസ് കേസ് അവസാനിപ്പിച്ചു.
എന്നാൽ ഇത് അന്യഗ്രഹജീവികളാണോ എന്ന് നാട്ടുകാർ സംശയം പ്രകടിപ്പിക്കുന്നുണ്ട്. നേരത്തെയും ഇത്തരത്തിലുള്ള അസാധാരണ പ്രതിഭാസങ്ങൾ രാജ്യത്ത് ഉണ്ടായിട്ടുണ്ട്. 2021 ൽ പുറത്തിറക്കിയ റിപ്പോർട്ട് പ്രകാരം 140 ഓളം അസാധാരണ പ്രതിഭാസങ്ങൾ ഉണ്ടായിട്ടുണ്ടെന്നാണ് റിപ്പോർട്ട്.
Discussion about this post