കൊച്ചി: സിനിമാ സീരിയൽ നാടക നടൻ ടിഎസ് രാജു അന്തരിച്ചെന്ന വാർത്ത പങ്കുവച്ചതിൽ മാപ്പ് പറഞ്ഞ് അജു വർഗീസ്. രാവിലെ മുതലാണ് ടിഎസ് രാജു വിട പറഞ്ഞുവെന്ന രീതിയിൽ ചില ഓൺലൈൻ മാദ്ധ്യമങ്ങളടക്കം വാർത്ത പങ്കുവച്ചത്. താൻ ആരോഗ്യത്തോടെ ഇരിക്കുന്നുവെന്ന് രാജു തന്നെ പിന്നീട് പ്രതികരിച്ചു.ആദരാഞ്ദലി അർപ്പിച്ച് ഫേസ്ബുക്ക് പോസ്റ്റിട്ട സിനിമ നടൻ അജു വർഗീസ് അബദ്ധം മനസിലായപ്പോൾ വിളിച്ച് മാപ്പ് പറയുകയായിരുന്നു.
‘എനിക്ക് താങ്കളെ വളരെ ഇഷ്ടമാണ്, ജോക്കറിലെ താങ്കളുടെ സംഭാഷണങ്ങൾ വ്യക്തിപരമായി ഞാൻ ജീവിതത്തിൽ ഉപയോഗിക്കുന്നതാണ്. അത് ഇങ്ങനെ തീരുമെന്ന് വിചാരിച്ചില്ല.ദി ഷൊ മസ്റ്റ് ഗൊ ഓൺ’ എന്ന ടി.എസ്.രാജുവിന്റെ സിനമാ ഡയലോഗ് മനസിൽ തങ്ങി നിറഞ്ഞിരുന്നു.അത് പറഞ്ഞ നടൻ മരിച്ചെന്ന് അറിഞ്ഞപ്പോൾ ഉള്ളിൽ തട്ടിയാണ് പോസ്റ്റ് ഷെയർ ചെയ്തു പോയതെന്നും അജു പറഞ്ഞു.വലിയ അബദ്ധമാണ് ഞാൻ കാണിച്ചത്. എന്നാൽ കൂടി ഒരുപാട് മാപ്പ്. എന്തായാലും താങ്കൾ ജീവിച്ചിരിക്കുന്ന വിവരം അറിഞ്ഞതിൽ സന്തോഷം തോന്നിയെന്ന് അജു വർഗീസ് പറഞ്ഞു.
‘അങ്ങനെ ഒരു വ്യാജ വാർത്ത വന്നതിൽ യാതൊരു വിഷമവുമില്ലെന്ന് ടി.എസ് രാജു പ്രതികരിച്ചു. എല്ലാവരും സത്യാവസ്ഥ അറിയാൻ എന്റെ വീട്ടിലെത്തി ബുദ്ധിമുട്ടിയതിൽ മാത്രമേ വിഷമമുള്ളൂ. എനിക്ക് ഈ മേഖലയിൽ ശത്രുക്കളില്ല. ഞാൻ അജുവിനെ നേരിട്ട് കണ്ടിട്ടില്ല. എനിക്ക് താങ്കളോട് യാതൊരു വിരോധവുമില്ല” എന്നാണ് ടി.എസ് രാജുവിന്റെ പ്രതികരണം
Discussion about this post