ന്യൂഡൽഹി: ഇന്ത്യ നേതൃത്വം നൽകുന്ന ഷാംഗ്ഹായ് സഹകരണ ഉച്ചകോടിയിൽ പങ്കെടുക്കാൻ പാകിസ്താൻ. അടുത്ത മാസം നാലിന് നടക്കുന്ന ഉച്ചകോടിയെ പാകിസ്താൻ പ്രധാനമന്ത്രി ഷെഹ്ബാസ് ഷെരീഫ് വെർച്വലായി അഭിസംബോധന ചെയ്യുമെന്നാണ് അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്യുന്നത്. വാർത്തകൾക്ക് പിന്നാലെ പാകിസ്താൻ വിദേശകാര്യ മന്ത്രാലയം ഇക്കാര്യം സ്ഥിരീകരിച്ച് രംഗത്ത് എത്തി.
മറ്റ് രാജ്യങ്ങൾക്കൊപ്പം ഉച്ചകോടിയിൽ പങ്കെടുക്കുന്നതിന് വേണ്ടി ഇന്ത്യ പാകിസ്താനെയും ക്ഷണിച്ചിരുന്നു. ഈ ക്ഷണം സ്വീകരിച്ചുകൊണ്ടാണ് ഷെഹ്ബാസ് ഷെരീഫ് ഉച്ചകോടിയിൽ പങ്കെടുക്കുന്നത്. ഉച്ചകോടിയിൽ ആഗോള പ്രാധാന്യമുള്ള വിഷയങ്ങൾ ഉന്നയിക്കുമെന്നും പാക് വിദേശകാര്യമന്ത്രാലയം വ്യക്തമാക്കി.
ഷാംഗ്ഹായ് ഉച്ചകോടിയുടെ 23ാമത് യോഗത്തിൽ പാകിസ്താൻ പ്രധാനമന്ത്രി മുഹമ്മദ് ഷെഹബാസ് ഷെരീഫ് പങ്കെടുക്കും. യോഗത്തോട് അനുബന്ധിച്ച് ഇന്ത്യൻ പ്രധാനമന്ത്രി പാകിസ്താനെ ഔദ്യോഗികമായി ക്ഷണിച്ചിരുന്നു. ഈ ക്ഷണം സ്വീകരിച്ചാണ് പരിപാടിയിൽ പങ്കെടുക്കുന്നത്. യോഗത്തിൽ പ്രാധാന്യം അർഹിക്കുന്ന ആഗോള – പ്രാദേശിക വിഷയങ്ങൾ ഉന്നയിക്കുമെന്നും പാക് വിദേശകാര്യമന്ത്രാലയത്തിന്റെ പ്രസ്താവനയിൽ വ്യക്തമാക്കുന്നുണ്ട്.
ഷാംഗ്ഹായി സഹകരണ ഉച്ചകോടിയുടെ 23ാമത് യോഗമാണ് അടുത്ത മാസം നടക്കാനിരിക്കുന്നത്. പാകിസ്താന് പുറമേ ചൈനീസ് പ്രസിഡന്റ് ഷീ ജിൻപിംഗും ഉച്ചകോടിയിൽ പങ്കെടുക്കുന്നുണ്ട്.
