ദുബായ്; ചരിത്ര പ്രഖ്യാപനവുമായി അന്താരാഷ്ട്ര ക്രിക്കറ്റ് കൗൺസിൽ. ഐസിസി ടൂർണമെന്റുകളിൽ ഇനിമുതൽ പുരുഷ-വനിതാ ടീമുകൾക്ക് തുല്യമായ സമ്മാനത്തുകയായിരിക്കുമെന്ന് ഐസിസി പ്രഖ്യാപിച്ചു.ദക്ഷിണാഫ്രിക്കയിലെ ദർബനിൽ നടക്കുന്ന ഐസിസി വാർഷിക യോഗത്തിലാണ് ഇതു സംബന്ധിച്ച തീരുമാനമെടുത്തത്. 2023 നകം വനിതാ-പുരുഷ ടീമുകൾക്കുള്ള സമ്മാനത്തുക പൂർണമായും തുല്യമാക്കാനാണ് ഐസിസി ലക്ഷ്യമിടുന്നത്.
പുതിയ തീരുമാനമനുസരിച്ച് ഐസിസി ടൂർണമെന്റുകളിൽ തുല്യ സ്ഥാനത്ത് ഫിനിഷ് ചെയ്യുന്ന പുരുഷ-വനിതാ ടീമുകൾക്ക് തുല്യമായ സമ്മാനത്തുക നൽകും. ചരിത്രപരമായ ഈ തീരുമാനം ഏറെ സന്തോഷം നൽകുന്നതാണെന്ന് ഐസിസി ചെയർമാൻ ഗ്രെഗ് ബാർക്ലെ പറഞ്ഞു. പുരുഷ-വനിതാ ടീമുകൾക്ക് തുല്യമായ സമ്മാനത്തുക നൽകുക എന്ന വ്യക്തമായ ലക്ഷ്യത്തോടെ 2017 മുതൽ ഐസിസി വനിതാ ടൂർണമെന്റുകളിലെ സമ്മാനത്തുക ക്രമാനുഗതമായി വർധിപ്പിക്കുന്നുണ്ടെന്നും അദ്ദേഹം ചൂണ്ടിക്കാട്ടി.
Discussion about this post