ന്യൂഡൽഹി : ആസാദി കാ അമൃത് മഹോത്സവത്തിന്റെ ഭാഗമായാണ് രാജ്യത്ത് റോസ്ഗാർ മേള സംഘടിപ്പിക്കുന്നത്. 70,000 പുതിയ നിയമന ഉത്തരുവുകളാണ് മേളയുടെ ഭാഗമായി പ്രധാനമന്ത്രി നരേന്ദ്രമോദി വിതരണം ചെയ്തത്. വീഡിയോ കോൺഫറൻസിംഗ് വഴിയാണ് ഉത്തരവുകൾ വിതരണം ചെയ്തത്. തെരഞ്ഞെടുക്കപ്പെട്ട 70,000 ലേറെ യുവാക്കൾക്ക് 44 വേദികളിലായാണ് സർക്കാർ ജോലികളിലേക്ക് പ്രവേശിക്കാനായുള്ള ഉത്തരവ് നൽകിയത്.
സർക്കാർ മേഖലയിലേയ്ക്ക് ഉദ്യോഗാർത്ഥികളെ നിയമിക്കുന്നതിനായി നടത്തുന്നതാണ് റോസ്ഗാർ മേള. തൊഴിൽ നൈപുണ്യമുളള ഉദ്യോഗാർത്ഥികളെയാണ് തിരഞ്ഞെടുക്കുന്നത്. സർക്കാർ ജോലിയ്ക്കായി എഴുത്ത് പരീക്ഷയും അഭിമുഖവും കഴിഞ്ഞിരിക്കുന്ന നിരവധി ആളുകൾക്ക് ഇത് ഉപകാരപ്രദമാകും.
ആസാദി കാ അമൃത് മഹോത്സവത്തിൻറെ വേളയിൽ ധാരാളം തൊഴിൽ അവസരങ്ങൾ സൃഷ്ടിക്കുന്നത് മുഖേന രാജ്യത്തെ പുരോഗതിയിലേയ്ക്ക് നയിക്കാൻ സാധിക്കുന്നു എന്ന് പ്രധാനമന്ത്രി പറഞ്ഞു. കേന്ദ്ര സംസ്ഥാന സർക്കാരുകളുടെ പങ്കാളിത്തത്തോടെ ലക്ഷക്കണക്കിന് പുതിയ ജോലികളാണ് സൃഷ്ടിക്കപ്പെടുന്നത്. സ്ത്രീകൾ, ഭിന്നശേഷിക്കാർ, തൽപര ജില്ലക്കാരായ ഉദ്യോഗാർത്ഥികൾ എന്നിവർക്ക് പ്രത്യേക ആനുകൂല്യങ്ങൾ ഉണ്ട്. യുപിഎസ്സി, റെയിൽവെ റിക്രൂട്ട്മെന്റ് ബോർഡ്, ഐബിപിഎസ് എന്നിവ പോലുളള ഏജൻസികൾ വഴിയാണ് എല്ലാ നിയമനങ്ങളും നടത്തുക.റോസ്ഗാർ മേള ധാരാളം തൊഴിൽ അവസരങ്ങൾ സൃഷ്ടിക്കുന്നു. ശാക്തീകരിക്കപ്പെട്ട യുവാക്കൾ കരുത്തുറ്റ വികസിത ഇന്ത്യ ഉറപ്പാക്കുന്നു എന്നും പ്രധാനമന്ത്രി പറഞ്ഞു.
പുതുതായി നിയമിതരായവർക്കെല്ലാം വിവിധ വകുപ്പുകളിൽ കർമ്മയോഗി പ്രാരംഭ് മൊഡ്യൂൾ മുഖേന ഓൺലൈൻ ഓറിയന്റേഷൻ കോഴ്സുകൾ ലഭ്യമാക്കും. പ്രത്യേക ഓൺലൈൻ സിസ്റ്റം വഴി ഒഴിവുകളുടേയും, നിയമന നടപടികളുടേയും തുടർച്ചയായ മോണിറ്ററിംഗ് നടത്തും.
കുറച്ചു വർഷങ്ങളായി ഇന്ത്യ സാമ്പത്തിക പുരോഗതിയിലേയ്ക്ക് കുതിയ്ക്കുകയാണെന്നാണ് വിദഗ്ധർ പറയുന്നത്. ആളുകൾക്ക് കൂടുതൽ തൊഴിലവസരങ്ങൾ ഒരുക്കുന്നത് വഴി രാജ്യത്തെ പ്രതിശീർഷ വരുമാനം കൂടുന്നതാണ് ഇതിനു കാരണം.
ഒൻമ്പത് വർഷം മുൻപുളള ഇന്ത്യയെ അപേക്ഷിച്ച് ഇന്നത്തെ ബാങ്കിങ് മേഖലയ്ക്ക് വലിയ മാറ്റമാണുണ്ടായിട്ടുളളത്. 9 വർഷം മുൻപ് ഇന്ത്യയിലെ ബാങ്കിങ് സമ്പ്രദായം ശിഥിലമായിട്ടാണ് കിടന്നിരുന്നത്. ധാരാളം അഴിമതികളും നടന്നിരുന്നു. ഡിജിറ്റൽ ടെക്നോളജി ഒന്നും ഉപയോഗപ്പെടുത്തിയിരുന്നില്ല. ഇന്ന് 140 കോടി ജനങ്ങളാണ് ഫോൺ ബാങ്കിങ് സിസ്റ്റം ഉപയോഗിക്കുന്നത്.
പുതിയ റിക്രൂട്ട്മെന്റിലൂടെ സർക്കാർ വകുപ്പുകളായ വരുമാന വകുപ്പ്, ധനകാര്യ വകുപ്പ്, തപാൽ വകുപ്പ്, സ്കൂൾ വിദ്യാഭ്യാസം, ഉന്നത വിദ്യാഭ്യാസ വകുപ്പ്, പ്രതിരോധ വകുപ്പ്, ആരോഗ്യ കുടുംബ ക്ഷേമ വകുപ്പ്, കേന്ദ്ര പൊതു വകുപ്പ്, ജലസേചന വകുപ്പ്, വിദേശകാര്യ വകുപ്പ് എന്നീ തസ്തികകളിലേയ്ക്കാണ് ഉദ്യോഗാർത്ഥികളെ നിയമിക്കുന്നത്.
Discussion about this post