തിരുവനന്തപുരം : പോലീസ് തലപ്പത്ത് വൻ അഴിച്ചുപണി. ടികെ വിനോദ് കുമാറിന് വിജിലൻസ് ഡയറക്ടറായി നിയമിച്ചു. ഡിജിപിയായി സ്ഥാനകയറ്റം ലഭിച്ചതിന് പിന്നാലെയാണ് നിയമനം. മനോജ് എബ്രഹാം ഇന്റലിജൻസ് എഡിജിപിയായി അധികാരത്തിലേറും. കൊച്ചി കമ്മീഷണർ സേതുരാമനെ സ്ഥാനത്ത് നിന്ന് മാറ്റി എ. അക്ബറിനെ നിയമിച്ചു. സേതുരാമൻ ഉത്തര മേഖല ഐജിയാകും.
ഉത്തര മേഖല ഐജിയായിരുന്ന നീരജ് കുമാർ ഗുപ്തയ്ക്ക് പോലീസ് ആസ്ഥാനത്ത് തന്നെ ചുമതല നൽകി. മനോജ് എബ്രഹാം ഇന്റലിജൻസ് എഡിജിപിയാകും. കെ. പത്മകുമാറിനെ ജയിൽ മേധാവി സ്ഥാനത്തു നിന്ന് ഫയർ ഫോഴ്‌സിലേക്ക് മാറ്റി. ബൽറാം കുമാർ ഉപാധ്യായ ആണ് പുതിയ ജയിൽ മേധാവി.
എംആർ അജിത് കുമാറിന് പോലീസ് ബറ്റാലിയന്റെ അധിക ചുമതലയും നൽകി സർക്കാർ ഉത്തരവിറക്കി.
Discussion about this post