ലണ്ടൻ: ഹിന്ദുവും ഇന്ത്യനുമാകാൻ കഴിഞ്ഞതിൽ അഭിമാനിക്കുന്നുവെന്ന് ബ്രിട്ടീഷ് പ്രധാനമന്ത്രി ഋഷി സുനക്. തനിക്ക് എല്ലായ്പ്പോഴും ഇന്ത്യയിലെ ജനങ്ങളുമായി വൈകാരിക ബന്ധമുണ്ട്. ഭാര്യ ഒരു ഇന്ത്യക്കാരിയാണെന്നും അദ്ദേഹം പറഞ്ഞു. ജി 20 ഉച്ചകോടി ഇന്ത്യയിൽ നടക്കുന്നതിനോട് പ്രതികരിക്കുകയായിരുന്നു അദ്ദേഹം.
പ്രധാനമന്ത്രിയായ ശേഷം ഇന്ത്യയിലെ ജനങ്ങളിൽ നിന്നുണ്ടായ പ്രതികരണം തന്നെ ഏറെ സന്തോഷിപ്പിച്ചു. വേരുകൾ ഇന്ത്യൻ പാരമ്പര്യത്തിൽ ആഴ്ന്നു കിടക്കുന്നു. ഇന്ത്യയുമായി ഇത്തരത്തിൽ ബന്ധമുണ്ടായതിൽ അഭിമാനിക്കുന്നു. തന്റെ ഭാര്യ ഇന്ത്യക്കാരിയാണെന്നകാര്യം എല്ലാവർക്കും അറിയാം. ഹിന്ദുവാകാൻ കഴിഞ്ഞതിൽ താൻ അഭിമാനിക്കുന്നു. ഇന്ത്യയിലെ ജനങ്ങളുമായി താൻ വൈകാരികമായി ബന്ധപ്പെട്ട് കിടക്കുന്നുവെന്നും അദ്ദേഹം കൂട്ടിച്ചേർത്തു. ദേശീയ മാദ്ധ്യമത്തിന് നൽകിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം.
നേരത്തെ ജി20 ഉച്ചകോടിയ്ക്കായി ഇന്ത്യയെ വേദിയാക്കിയത് ഏറ്റവും ഉചിതമായ തീരുമാനമാണെന്ന തരത്തിൽ അദ്ദേഹം പ്രതികരിച്ചിരുന്നു. ഇതിന് പിന്നാലെയാണ് ഹിന്ദുവും ഇന്ത്യൻ വംശജനും ആകാൻ കഴിഞ്ഞതിൽ അഭിമാനിക്കുന്നുവെന്ന തരത്തിൽ അദ്ദേഹം പരാമർശം നടത്തുന്നത്. രാജ്യത്തെ പുരോഗതിയിലേക്ക് നയിക്കുന്ന പ്രധാനമന്ത്രി നരേന്ദ്ര മോദിയുടെ പ്രവർത്തനങ്ങളെയും ഋഷി സുനക് അഭിനന്ദിച്ചിരുന്നു.
Discussion about this post