ന്യൂഡൽഹി: ജി 20 ഉച്ചകോടിക്ക് പങ്കെടുക്കാനായി ഇന്ത്യയിലെത്തിയ ബ്രിട്ടീഷ് പ്രധാനമന്ത്രി ഋഷി സുനകിനും ഭാര്യ അക്ഷത മൂർത്തിയ്ക്കും ലഭിച്ചത് ഊഷ്മള സ്വീകരണം. കേന്ദ്രമന്ത്രി അശ്വിനി കുമാർ ചൗബൈയാണ് ഋഷി സുനകിനെയും പത്‌നിയെയും വിമാനത്താവളത്തിൽ എത്തി സ്വീകരിച്ചത്. ഇരുവർക്കും രുദ്രാക്ഷവും ഹനുമാൻ ചാലിസയുടെയും ഭഗവദ് ഗീതയുടെയും പകർപ്പും നൽകി സ്വീകരിച്ചു.
രാജ്യത്ത് ഒരു തരത്തിലുള്ള അക്രമവും തീവ്രവാദവും അംഗീകരിക്കില്ലെന്നും യുകെ പ്രധാനമന്ത്രി ഋഷി സുനക് പറഞ്ഞു. ഖാലിസ്ഥാൻ അനുകൂല തീവ്രവാദം നേരിടാൻ യുകെ, ഇന്ത്യൻ സർക്കാരുമായി ചേർന്ന് പ്രവർത്തിക്കുന്നുണ്ടെന്നും അദ്ദേഹം കൂട്ടിച്ചേർത്തു. രഹസ്യാന്വേഷണ വിവരങ്ങൾ പങ്കിടാൻ കൂട്ടായ്മകൾ ഉണ്ടാക്കിയിട്ടുണ്ട്. അതുവഴി ഇത്തരത്തിലുള്ള അക്രമാസക്തമായ തീവ്രവാദത്തെ വേരോടെ പിഴുതെറിയാനാകുമെന്ന് അദ്ദേഹം കൂട്ടിച്ചേർത്തു.
തന്റെ ഇന്ത്യാ സന്ദർശനം തീർച്ചയായും സവിശേഷമാണെന്ന് ഋഷി സുനക് ഡൽഹിയിലേക്കുളള യാത്രയ്ക്ക് മുമ്പ് മാദ്ധ്യമ പ്രവർത്തകരോട് പറഞ്ഞിരുന്നു.ഇന്ത്യയുടെ മരുമകൻ’ എന്നാണ് താൻ അറിയപ്പെടുന്നതെന്നും അദ്ദേഹം പറഞ്ഞിരുന്നു.
Discussion about this post