ശ്രീനഗർ: ജമ്മു കശ്മീരിൽ ഏറ്റുമുട്ടൽ. ഭീകരരെ സുരക്ഷാ സേന വളഞ്ഞു. രജൗരി ജില്ലയിലെ നർല ബംബാൽ മേഖലയിൽ ആയിരുന്നു ഏറ്റുമുട്ടൽ. മൂന്നോളം ഭീകരരെയാണ് വളഞ്ഞിരിക്കുന്നത് എന്നാണ് റിപ്പോർട്ടുകൾ.
വൈകീട്ടോടെയായിരുന്നു ഏറ്റുമുട്ടൽ. ദിവസങ്ങളായി പ്രദേശത്ത് ഭീകരർ ഒളിച്ചിരിക്കുന്നതായി പോലീസിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിൽ പരിശോധനയ്ക്കായി എത്തിയതായിരുന്നു സുരക്ഷാ സേന. പോലീസും സൈന്യവും അടങ്ങുന്ന സംയുക്ത സംഘമായിരുന്നു എത്തിയത്. എന്നാൽ പരിശോധനയ്ക്കിടെ ഭീകരർ ഇവർക്ക് നേരെ വെടിയുതിർക്കുകയായിരുന്നു.
ഇതോടെ സുരക്ഷാ സേനയും പ്രത്യാക്രമണം നടത്തി. ഇതോടെ ഏറ്റുമുട്ടൽ ആരംഭിക്കുകയായിരുന്നു. കഴിഞ്ഞ ദിവസം രജൗരിയിലെ തേർയത് പ്രദേശം വഴിയുള്ള സംശയാസ്പദമായ നീക്കം ശ്രദ്ധയിൽപ്പെട്ടിരുന്നു. ഇതിന്റെ ഭാഗമായുള്ള പരിശോധന പുരോഗമിക്കുകയാണ്. ഇതിനിടെയാണ് നർല ബംബാൽ മേഖലയിൽ ഭീകരരുടെ സാന്നിദ്ധ്യം കണ്ടെത്തിയിരിക്കുന്നത്.
Discussion about this post