ദുർഗാപൂർ : പശ്ചിമ ബംഗാളിലെ അസൻസോൾ ദുർഗാപൂർ ഡെവലപ്മെന്റ് അതോറിറ്റി ഓഫീസിൽ വൻ തീപിടുത്തം. തീപിടുത്തത്തിൽ നിരവധി സുപ്രധാന രേഖകൾ കത്തി നശിച്ചതായി അധികൃതർ അറിയിച്ചു. ഇന്ന് പുലർച്ചെയാണ് സംഭവം. ഡ്യൂട്ടിയിലുണ്ടായിരുന്ന സെക്യൂരിറ്റി ഗാർഡാണ് ഓഫീസ് ടോയിലറ്റിൽ നിന്നും പുക ഉയരുന്നത് കണ്ടത്. ഓഫീസ് കെട്ടിടത്തിലേക്കും വൻതോതിൽ തീ പടർന്നിരുന്നു . ഉടനെ തന്നെ അഗ്നിശമന സേന എത്തി നിയന്ത്രണ വിധേയമാക്കിയിട്ടുണ്ട് .
തീപിടുത്തം ഉണ്ടായതിനെ തുടർന്ന് ദുർഗാപൂർ സബ് ഡിവിഷണൽ മജിസ്ട്രേറ്റും സിറ്റി സെന്റർ ഔട്ട്പോസ്റ്റ് പോലീസും സംഭവസ്ഥലത്തെത്തി . തീപിടുത്തത്തിന്റെ കാരണം എന്താണെന്ന് ഇതുവരെ കണ്ടെത്താൻ സാധിച്ചിട്ടില്ല. നാശനഷ്ടങ്ങൾ കൃത്യമായി തിട്ടപ്പെടുത്താൻ സാധിച്ചിട്ടില്ലെന്നും അധികൃതർ അറിയിച്ചു.
